ପୁଣି ହୀରାକୁଦରେ ଖୋଲିଲା ଆଉ ୪ ଗେଟ

ସମ୍ବଲପୁର : ପୁଣି ହୀରାକୁଦରେ ଖୋଲିଲା ଆଉ ୪ ଗେଟ । ହୀରାକୁଦ ଜଳଭଣ୍ଡାରରେ ଜଳସ୍ତର ବୃଦ୍ଧି ପାଇବାରେ ଲାଗିଛି । ରାଜ୍ୟରେ ଲଘୁଚାପ ପ୍ରଭାବରେ ହେଉଥିବା ବର୍ଷା ଫଳରେ ହୀରାକୁଦରୁ ଚଳିତ ବର୍ଷର ପ୍ରଥମ ବନ୍ୟା ଜଳ ୨୦ଟି ଗେଟ ଦେଇ ନିଷ୍କାସନ କରାଯାଇଥିଲା । ପରେ ସମସ୍ତ ନଦୀରେ ବନ୍ୟା ଜଳ ନିଷ୍କାସନ ପଶିବା ପରେ ନଦୀର ଜଳସ୍ତର ବିପଦ ସଙ୍କେତ ପାର କରିଥିଲା । ପୁଣି ଥରେ ଗେଟ ବନ୍ଦ କରାଯାଇଥିଲା । କିନ୍ତୁ ବର୍ତମାନ ହୀରାକୁଦର ୧୪ଟି ଗେଟ୍ ଦେଇ ବନ୍ୟା ଜଳ ନିଷ୍କାସନ କରାଯାଉଛି । ବାମ ପଟୁ ୧୦ଟି ଓ ଡାହାଣ ପଟୁ ୪ଟି ଗେଟ ଖୋଲାଯାଇଛି । ବନ୍ୟା ଜଳ ଓ ରାଜ୍ୟରେ ଲଗାଣ ବର୍ଷା ପାଇଁ ସତର୍କ ସୂଚନା ମଧ୍ୟ ଜାରି କରାଯାଇଛି । ବର୍ତମାନ ୨ ଲକ୍ଷ ୪୬ ହଜାର ୭୬୫ କ୍ୟୁସେକ୍ ଜଳ ହୀରାକୁଦ ଜଳଭଣ୍ଡାରରୁ ନିଷ୍କାସିତ ହେଉଛି ।