ଝରକା ତାଡି ଚୋରି: ୩ ଅଭିଯୁକ୍ତ ଗିରଫ, ୩ ଲକ୍ଷ ୪୧ ହଜାର ଟଙ୍କା ଜବତ

କଟକ: ଝରକା ତାଡି ଚୋରି କରିବା ଅଭିଯୋଗରେ ମାଲଗୋଦାମ ଥାନା ପୁଲିସ ୩ ଜଣ କୁଖ୍ୟାତ ଚୋରଙ୍କୁ ଗିରଫ କରିବା ସହ ସେମାନଙ୍କଠାରୁ ୩ ଲକ୍ଷ ୪୧ ହଜାର ୭୪୦ ଟଙ୍କା, ୨ଟି ଲୁହା ରଡ୍ ଓ ୪ଟି ମୋବାଇଲ ଫୋନ ଜବତ କରିଛି । ଗିରଫ ଅଭିଯୁକ୍ତମାନେ ହେଲେ ମାଲଗୋଦାମ ଥାନା ଅନ୍ତର୍ଗତ ଶିଖରପୁର ଉପରସାହିର ଶିବ ରାଓ(୨୪), ଗଞ୍ଜାମ ଜିଲ୍ଲା ଖଲିକୋଟ ଥାନା ଅଂଚଳର ମୂଳବାସିନ୍ଦା ତଥା ଚାଉଳିଆଗଞ୍ଜ ଥାନା ଅନ୍ତର୍ଗତ ଶିଖରପୁର କେଉଟସାହିର ଶଙ୍କର ବେହେରା(୨୪) ଓ ଟାଙ୍ଗି ଥାନା ଅନ୍ତର୍ଗତ ନରଣପୁରର ଗୈାତମ ପ୍ରଧାନ ଓରଫ ଗଉରା(୧୯) । ମିଳିଥିବା ସୂଚନା ଅନୁଯାୟୀ, ଶିଖରପୁର ଉପରସାହିର ରଂଜିତା ପୃଷ୍ଟିଙ୍କ ଝରକା ତାଡି କେହି ଦୁର୍ବୃତ୍ତ ରୁ ୫ ଲକ୍ଷ ଟଙ୍କା ଚୋରି କରିଥିବା ନେଇ ସେ ଗତ ୧୯ ତାରିଖରେ ଥାନାରେ ଅଭିଯୋଗ କରିଥିଲେ । ପୁଲିସ ଥାନାରେ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଥିଲା । ଉକ୍ତ ଅଂଚଳର ସିସିଟିଭି ଫୁଟେଜ ଓ ସ୍ଥାନୀୟ ବାସିନ୍ଦା ସୂଚନା ଆଧାରରେ ସଂପୃକ୍ତ ୩ ଜଣଙ୍କୁ ପୁଲିସ ଗିରଫ କରିଥିଲା । ଆଜି ସେମାନଙ୍କୁ କୋର୍ଟ ଚାଲାଣ କରାଯାଇଛି ।