କାର ଧକ୍କାରେ ୨ କାଉଡ଼ିଆ ମୃତ

ନିଶ୍ଚିନ୍ତକୋଇଲି : ଗତକାଲି ରାତିରେ କଟକ ଚାନ୍ଦବାଲି ରାସ୍ତା ନିଶ୍ଚିନ୍ତକୋଇଲି ତହସିଲ ଅଫିସ ଛକରେ କାଉଡ଼ିଆଙ୍କ ଉପରେ ମାଡ଼ିଗଲା କାର୍ । ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଥିବାବେଳେ ତିନି ଜଣ ଗୁରୁତର ହୋଇଛନ୍ତି । ଜିଗିନିପୁର ବସୁପଦା ଗାଁର ୩୭ ଜଣ କାଉଡ଼ିଆ ପାଣି ଧରି ଯାଉଥିବାବେଳେ ଏକ କାର ସେମାନଙ୍କ ଉପରେ ଚଢିଯାଇଥିଲା । ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବାବେଳେ କଟକ ସ୍ଥାନାନ୍ତର ସମୟରେ ଆଉଜଣଙ୍କର ମୃତ୍ୟୁ ହୋଇଛି । ମୃତକ ଚିନ୍ମୟୀ ବେହେରା ଓ ଜ୍ୟୋତି ପ୍ରକାଶ ବେହେରା । ଗୁରୁତରଙ୍କୁ ନିଶ୍ଚିନ୍ତକୋଇଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି କାର ଅଭିଯୁକ୍ତଙ୍କୁ ଅଟକ ରଖିବା ସହ ତଦନ୍ତ କରୁଛି ।