ଲକ୍ଷ୍ନୌ: ଉତ୍ତରପ୍ରଦେଶର ଫର୍ରୁଖାବାଦ ଜିଲ୍ଲାରୁ ଏକ ଦୁଃଖଦ ଘଟଣା ସାମ୍ନାକୁ ଆସିଛି । ପରିବାର ସହିତ ବିବାହ ଭୋଜିକୁ ଆସିଥିବା ଜଣେ ଶିଶୁ ଦୁଷ୍କର୍ମର ଶିକାର ହୋଇଥିବା ଅଭିଯୋଗ ହୋଇଛି । ମୋହମ୍ମଦାବାଦର ଅଧିକାରୀ ଅରୁଣ କୁମାର କହିଛନ୍ତି, ‘ଜୁଲାଇ ୧୧ ତାରିଖରେ ଏକ ବିବାହ ଉତ୍ସବର ଆୟୋଜନ କରାଯାଇଥିଲା । ଏହି ବିବାହରେ ସାମିଲ ହେବାପ?ାଇଁ ଜଣେ ୪ବର୍ଷର ଶିଶୁ ତାର ବାପା ଓ ମା’ଙ୍କ ସହିତ ଆସି ପହଞ୍ଚିଥିଲା । ବିବାହ ଉତ୍ସବ ଚାଲିଥିବା ବେଳେ ଜଣେ ସମ୍ପର୍କୀୟ ବୁଲାଇବାକୁ ନେଉଛି କହି ଶିଶୁକୁ ନିଜ ସାଥୀରେ ବିବାହ ଚାଲିଥିବା ମଣ୍ଡପର ଗେଷ୍ଟ ହାଉସକୁ ନେଇ ଯାଇଥିଲା । ନୀରିହ ଶିଶୁଟି କିଛି ଜାଣି ନପାରି ଉକ୍ତ ସମ୍ପର୍କୀୟ ଦ୍ୱାରା ଦୁଷ୍କର୍ମର ଶିକାର ହୋଇଥିଲା ।
ଏହି ଘଟଣାକୁ ନେଇ ପୀଡ଼ିତାଙ୍କ ବାପା ଥାନାରେ ଅଭିଯୋଗ କରିଥିଲେ । ପୀଡ଼ିତା ବାପାଙ୍କ ଅଭିଯୋଗ କ୍ରମେ ଅଭିଯୁକ୍ତ ବିରୋଧରେ ଭାରତୀୟ ଦଣ୍ଡବିଧାନ ଆଇନ ଅନୁଯାୟୀ ମାମଲା ରୁଜୁ କରାଯାଇ ଯାଞ୍ଚ ଆରମ୍ଭ କରାଯାଇଥିଲା । ରାମ ଲଡେତେକୁ ଗୁଳିମାଡ଼ କରି ପଖନା ରେଲୱେ ଷ୍ଟେସନ ନିକଟରୁ ଗିରଫ କରାଯାଇଥିଲା । ଗିରଫ ରାମ ନାମରେ ପୂର୍ବରୁ ବି ଅନେକ ଅପରାଧିକ ମାମଲା ରୁଜୁ କରାଯାଇଛି । ଏହି ଘଟଣାକୁ ନେଇ ପୀଡ଼ିତାଙ୍କ ବାପା କହିଛନ୍ତି, ‘ ବିବାହ ଚାଲିଥିବା ବେଳେ ହଠାତ ଆମେ ଝିଅକୁ ପାଇଲୁ ନାହିଁ । ବୋହୂ ଖୋଜାଖୋଜି ପରେ ନିକଟରେ ଥିବା ଏକ ଗେଟହାଉସ ଭିତରକୁ ପଶି ଯାଇଥିଲୁ । ସେଠାରେ ଶିଶୁକୁ ରକ୍ତାକ୍ତ ଅବସ୍ଥାରେ ପାଇ ହସ୍ପିଟାଲ ନେଇ ଯାଇଥିଲୁ । ହସ୍ପିଟାଲରେ ଡାକ୍ତର ଝିଅର ଚିକିତ୍ସା ପରେ ମୃତ ଘୋଷଣା କରିଥିଲେ ।
