ନୂଆଦିଲ୍ଲୀ: ନିଟ୍ ପେପର ଲିକ୍ ମାମଲାରେ ପୁଣି ପରୀକ୍ଷା କରିବାକୁ ଦାବି କରୁଥିବା ଆଦେଦନର ଶୁଣାଣି ସୁପ୍ରିମକୋର୍ଟରେ ଶେଷ ହୋଇଛି। ପୁନର୍ବାର ପରୀକ୍ଷା ନ କରିବାକୁ ସର୍ବୋଚ୍ଚ ନ୍ୟାୟାଳୟ କହିଛନ୍ତି। ଖବର ଅନୁଯାୟୀ, ପେପର ଲିକ୍ ହେବା ନିଶ୍ଚିତ ବୋଲି ସୁପ୍ରିମକୋର୍ଟ କହିଛନ୍ତି। ହାଜରିବାଗରେ ପେପର ଲିକ୍ ହୋଇଥିଲା। ତେବେ ସୁପ୍ରିମକୋର୍ଟ ଏହା ମଧ୍ୟ କହିଛନ୍ତି ଯେ ପରୀକ୍ଷାରେ ତ୍ରୁଟିର ପର୍ଯ୍ୟାପ୍ତ ପ୍ରମାଣ ମିଳିନାହିଁ। ପୁନଃପରୀକ୍ଷା ପାଇଁ ଦାବି ଠିକ୍ ନୁହେଁ । ଏହା ୨୪ ଲକ୍ଷ ଛାତ୍ରଛାତ୍ରୀଙ୍କ ଉପରେ ନକାରାତ୍ମକ ପ୍ରଭାବ ପକାଇବାର ଆଶଙ୍କା ରହିଛି। ତେବେ ନିଟ୍ ପରୀକ୍ଷାର ଫଳାଫଳ ପୁଣି ଥରେ ଘୋଷଣା କରାଯିବ। ପେପରରେ ପଚରାଯାଇଥିବା ଏକ ପ୍ରଶ୍ନ ବିଷୟରେ ଏହା ଘଟିଛି ଯେଉଁଥିରେ ୨ ଟି ସଠିକ୍ ଉତ୍ତର ଅଛି।
ଆଇଆଇଟି ଦିଲ୍ଲୀର ରିପୋର୍ଟ ଅନୁଯାୟୀ, ବିକଳ୍ପ ୪ କୁ ସଠିକ୍ ଭାବରେ ବିଚାର କରି ପୁନର୍ବାର ଫଳାଫଳ ପ୍ରକାଶ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ଏହାପୂର୍ବରୁ ସୋମବାର, ନିଟ୍ ପରୀକ୍ଷାରେ ଏକ ପ୍ରଶ୍ନ ଉପରେ ଆଲୋଚନା କରାଯାଇଥିଲା ଯେଉଁଥିରେ ୨ ଟି ସଠିକ୍ ଉତ୍ତର ଥିଲା । ଏକ ପିଟିସନରେ କୁହାଯାଇଛି ଯେ ଯେଉଁମାନେ ଏହି ପ୍ରଶ୍ନର ଉତ୍ତର ଦେଇଛନ୍ତି ସେମାନେ ମାର୍କ ପାଇଛନ୍ତି। ପିଟିସନ ଦାଖଲ କରିଥିବା ଛାତ୍ରଛାତ୍ରୀ କହିଛନ୍ତି ଯେ ଆମେ ପ୍ରଶ୍ନର ସଠିକ୍ ଉତ୍ତର ଜାଣିଛୁ କିନ୍ତୁ ଦ୍ୱନ୍ଦ୍ୱ ଯୋଗୁଁ ଆମେ ଏହାକୁ ଛାଡ଼ି ଦେଇଥିଲୁ। ଏହି ବିଷୟରେ ସୁପ୍ରିମକୋର୍ଟ ଆଇଆଇଟି ଦିଲ୍ଲୀର ନିର୍ଦ୍ଦେଶକଙ୍କ ଅଧୀନରେ ଏକ ବିଶେଷଜ୍ଞ କମିଟି ଗଠନ କରିବାକୁ ନିର୍ଦ୍ଦେଶ ଦେଇଥିଲେ। ଏଥିପାଇଁ ସର୍ବୋଚ୍ଚ ନ୍ୟାୟାଳୟ ମଙ୍ଗଳବାର ଅପରାହ୍ନ ପର୍ଯ୍ୟନ୍ତ ସମୟ ଦେଇଥିଲେ।
