ଘୁମୁସରରେ ଡରାଉଛି ବାଘ

ଗଞ୍ଜାମ : ଉତ୍ତର ଘୁମୁସର ବନଖଣ୍ଡରେ ବାଘ ଆତଙ୍କ । ମହାବଳ ବାଘକୁ କାବୁ କରିବା ପାଇଁ ବନ ବିଭାଗ ବିଫଳ ହୋଇପଡିଛି । ବାଘ ଗୃହ ପାଳିତ ପଶୁଙ୍କୁ ଖାଇଦେଇଛି । ଏହି ଘଟଣା ପରେ ଭଞ୍ଜନଗରରେ ଲୋକେ ଆତଙ୍କିତ ହେଉଛନ୍ତି । ଗୋଟେ ପରେ ଗୋଟେ ଗାଁକୁ ଯାଇ ପଶୁଙ୍କୁ ଆକ୍ରମଣ କରି ସେମାନଙ୍କୁ ଶିକାର କରୁଛି ମହାବଳ ବାଘ । ଯାହାର ସନ୍ଧାନ ଗ୍ରାମବାସୀଙ୍କ ସମେତ ବନ ବିଭାଗ ମଧ୍ୟ ପାଉନାହିଁ । ବନ ବିଭାଗ ତୁରନ୍ତ ବାଘକୁ ଠାବ କରିବା ପାଇଁ ପଦକ୍ଷେପ ନିଅନ୍ତୁ ବୋଲି ଗ୍ରାମବାସୀମାନେ କହିଛନ୍ତି । ଦିନକୁ ଦିନ ବନ୍ୟଜନ୍ତୁ ଜଙ୍ଗଲ ଛାଡି ସହର ମୁହାଁ ହେଉଛନ୍ତି । ଏଥିପାଇଁ ବନବିଭାଗ ସଜାଗ ହେବାକୁ ଗ୍ରାମବାସୀମାନେ ଦାବି କରିଛନ୍ତି ।