ବନ୍ଧୁକ କାରଖାନା ଠାବ, ଜଣେ ଗିରଫ

କନ୍ଧମାଳ: କନ୍ଧମାଳ ଜିଲ୍ଲା ରାଇକିଆ ଥାନା ପୁଲିସ ବନ୍ଧୁକ କାରଖାନା ଠାବ କରିଛି । ଏଥିସହ ବନ୍ଧୁକ ତିଆରି ଅଭିଯୋଗରେ କତିଙ୍ଗିଆ ପଞ୍ଚାୟତ ରିସିଗୁଡ଼ା ଗାଁର ମୁନିବର ମଲ୍ଲିକଙ୍କୁ ଗିରଫ କରିଛି । ତାଙ୍କ ଠାରୁ ପୁଲିସ ଗୋଟିଏ ଦେଶୀ ବନ୍ଧୁକ, ଗୁଳି ଓ ବନ୍ଧୁକ ତିଆରି ସାମଗ୍ରୀ ଜବତ କରିଛି । ମୁନିବର ପୂର୍ବରୁ ମଧ୍ୟ ଗିରଫ ହୋଇଥିଲେ । ୨୦୧୯ ମସିହାରେ ବନ୍ଧୁକ ନିର୍ମାଣ କରିବା ଅଭିଯୋଗରେ ଜେଲ୍ ଯାଇଥିଲେ । ଜେଲରୁ ବାହାରିବା ପରେ ପୁଣି ଥରେ ଦେଶୀ ବନ୍ଧୁକ ତିଆରି କରୁଥିଲେ ମୁନିବର । ଆଉ ଜିଲ୍ଲା ବାହାରକୁ ଚାଲାଣ କରୁଥିବା ରାଇକିଆ ଥାନା ପୁଲିସ ବିଶେଷ ସୂତ୍ରରୁ ଜାଣିବାକୁ ପାଇଥିଲେ । ଏହା ପରେ ପୁଲିସ ତାଙ୍କ ଘରେ ଚଢ଼ଉ କରିଥିଲା । ଚଢ଼ଉ ସମୟରେ ବନ୍ଧୁକ କାରଖାନା ଠାବ ହୋଇଥିଲା ।