ସାପ କାମୁଡାରେ ନାବାଳକ ଶିଶୁର ମୃତ୍ୟୁ

କୁକୁଡାଖଣ୍ଡି : ନିମଖଣ୍ଡି ଥାନା ଅଧିନସ୍ତ ଗୁରୁଣ୍ଠି କାଳୀ ମନ୍ଦିର ନିକଟସ୍ଥ ହରିଜନ ବସ୍ତିର ପ୍ରଫୁଲ୍ଲ ଦାସଙ୍କ ୫ ବର୍ଷର ନାବାଳକ ଶିଶୁ ପୁତ୍ର କାଳିଆ ଦାସଙ୍କ ସାପ କାମୁଡାରେ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ମିଳିଥିବା ସୂଚନା ପ୍ରକାରେ କାଳିଆ ରବିବାର ସନ୍ଧ୍ୟାରେ ଘର ନିକଟରେ ଖେଳୁଥିଲା । ଏହି ସମୟରେ ସେ ପଡିଆରୁ ବଲ୍‌ଟିକୁ ଗୋଟାଉଥିବା ବେଳେ ସେଠାରେ ଥିବା ଏକ ସାପ ଦଂଶନ କରିଥିଲା । ଫଳରେ ଶିଶୁଟି ଅସୁସ୍ଥ ହୋଇପଡିଥିଲା । ତାର ଚିତ୍କାର ଶୁଣି ପରିବାର ଲୋକେ ସଙ୍ଗେ ସଙ୍ଗେ ତାକୁ ବଡ ମେଡିକାଲ ନେଇ ଯାଉଥିବା ବେଳେ ରାସ୍ତାରେ କାଳିଆର ମୃତ୍ୟୁ ହୋଇଥିବା ସୂଚନା ମିଳିଛି । ମେଡିକାଲରେ ଡାକ୍ତର ତାକୁ ମୃତ ଘୋଷଣା କରିଥିଲେ । ସୋମବାର ଶିଶୁର ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା । ଏଭଳି ଦୁଃଖ ଘଟଣା ଜଣାପଡିବା ପରେ ଅଞ୍ଚଳରେ ଶୋକାକୂଳ ପରିବେଶ ସୃଷ୍ଟି ହୋଇଥିଲା ।