ବଜ୍ରାଘାତରେ ଚାଲିଗଲା ୩ ଜଣଙ୍କ ଜୀବନ

ସୁନ୍ଦରଗଡ଼: ବଜ୍ରାଘାତରେ ଚାଲିଗଲା ୩ ଜଣଙ୍କ ଜୀବନ । ପଡ଼ିଆ ନିକଟ ଗଛ ତଳେ ଆଶ୍ରୟ ନେଇଥିବା ବେଳ ବ୍ରଜାଘାତ ଘଟି ୩ ଜଣଙ୍କ ମୃତ୍ୟୁ ଘଟିଛି ବୋଲି ସୂଚନା ମିଳିଛି । ଏଭଳି ଦୁଃଖଦ ଘଟଣା ରାଉରକେଲା ଘଟିଛି ବୋଲି ଜଣାପଡ଼ିଛି । ରାଉରକେଲା ବ୍ରାହ୍ମଣୀତରଙ୍ଗ ଥାନା ବିରୁଆଲ ଗ୍ରାମରେ ଏଭଳି ଅଭାବନୀୟ ଘଟଣା ଘଟିଛି । ସୂଚନା ଅନୁଯାୟୀ, ଫୁଟ୍‌ବଲ୍ ମ୍ୟାଚ୍ ଚାଲିଥିଲା । ସେହି ସମୟରେ ଶହ ଶହ ଦର୍ଶକ ଖେଳ ଦେଖୁଥିଲେ । ଖେଳ ଦେଖୁଥିବା ସମୟରେ ସେଠାରେ ହଠାତ୍ ବଜ୍ରାଘାତ ହୋଇଥିଲା । ଏହି ବଜ୍ରାଘାତରେ ୩ଜଣଙ୍କର ମୃତ୍ୟୁ ହୋଇଛି । ବଜ୍ରାଘାତ ଓ ବର୍ଷା ଯୋଗୁ ଏହି ୩ଜଣ ଗଛ ମୂଳରେ ଆଶ୍ରୟ ନେଇଥିଲେ । ଅନ୍ୟମାନେ କିଏ କେଉଁ ଆଡ଼େ ଚାଲି ଯାଇଥିଲେ । କିଛିଜଣ ଗଛ ମୂଳରେ ଆଶ୍ରୟ ନେଇଥିଲେ । ବଜ୍ରାଘାତ ହେବା ଫଳରେ ଗଛ ମୂଳରେ ଆଶ୍ରୟ ନେଇଥିବା ୩ ଜଣଙ୍କର ମୃତ୍ୟୁ ହୋଇଛି । କିନ୍ତୁ ବର୍ତ୍ତମାନ ସୁଦ୍ଧା ମୃତକଙ୍କ ପରିଚୟ ମିଳିପାରି ନାହିଁ । ପୋଲିସ ଘଟଣାସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଆରମ୍ଭ କରିଛି ।