ବାପା-ପୁଅର ପନିକି ମାଡ଼ରେ ବଡ଼ ଭାଇର ସ୍ତ୍ରୀ ଏବଂ ସାନ ପୁଅ ଗୁରୁତର

ଭୁବନ: ପାରିବାରିକ କଳହର କରୁଣ ପରିଣତ । ବାପା-ପୁଅର ପନିକି ମାଡରେ ବଡ଼ ଭାଇର ସ୍ତ୍ରୀ ଏବଂ ପୁଅ ଗୁରୁତର । ଏପରି ଘଟଣା ଦେଖିବାକୁ ମିଳିଛି ଭୁବନ ବିଜ୍ଞାପିତ ଅଞ୍ଚଳ ପରିଷଦର ଓ୍ବାର୍ଡ-୫ରେ । ଓ୍ବାର୍ଡ ବାସିନ୍ଦା ବ୍ରଜବନ୍ଧୁ ସାହୁଙ୍କ ପରିବାରରେ ସ୍ତ୍ରୀ ଓ ଦୁଇ ପୁଅ ବୋହୁ । ଦୀର୍ଘଦିନ ହେବ ବ୍ରଜବନ୍ଧୁଙ୍କ ସାନ ଭାଇ ରମେଶଙ୍କ ସହିତ ଜମିବାଡୀକୁକୁ ନେଇ କଳହ ଲାଗିରହିଥିଲା । ତେବେ ରବିବାର ବଡ଼ ଭାଇ ବିଲକୁ ଯାଇଥିବା ବେଳେ ସାନ ଭାଇ ରମେଶ, ତାଙ୍କ ସ୍ତ୍ରୀ ଓ ପୁଅ ହାପି ମିଶି ବ୍ରଜବନ୍ଧୁଙ୍କ ପରିବାର ଉପରେ ଆକ୍ରମଣ କରିଥିଲେ । ଏହି ଆକ୍ରମଣରେ ବ୍ରଜବନ୍ଧୁଙ୍କ ସ୍ତ୍ରୀ ବିଜୁଳି ସାହୁ ଓ ସାନ ପୁଅ ମାନସ ଗୁରୁତର ହୋଇ ତଳେ ପଡିଯାଇଥିଲେ । ଗୁରୁତର ମାଆ-ପୁଅଙ୍କୁ ପଡୋଶୀ ଘଟଣାସ୍ଥଳରୁ ଉଦ୍ଧାର କରି ଭୁବନ ମେଡିକାଲରେ ଭର୍ତ୍ତି କରାଇଥିଲେ । ଅବସ୍ଥା ସଙ୍କଟାପର୍ଣ୍ଣ ଥିବାରୁ ଅଧିକ ଚିକିତ୍ସା ନିମନ୍ତେ ଉଭୟଙ୍କୁ କଟକ ବଡମେଡିକାଲକୁ ସ୍ଥାନାନ୍ତର କରାଯାଇଛି । ତେବେ ଅଭିଯୁକ୍ତ ତିନି ଜଣଙ୍କୁ ଧରି ଥାନାରେ ହାଜର କରିଛନ୍ତି ଗ୍ରାମବାସୀ ।