ବେଙ୍ଗାଲୁରୁ : କର୍ଣ୍ଣାଟକର ଚିନଚନୁରରେ ବୁଧବାର ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଶ୍ରଦ୍ଧାଳୁଙ୍କୁ ନେଇ ଯାଉଥିବା ଏକ ଗାଡି ଗଛ ସହ ଧକ୍କା ହୋଇ ଛଅ ଜଣଙ୍କ ଜୀବନ ଚାଲି ଯାଇଛି। ପୁଲିସ ଠାରୁ ମିଳିଥିବା ସୂଚନାନୁଯାୟୀ, ଏହି ଘଟଣାରେ ୫ ଜଣଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ହସ୍ପିଟାଲ ନେବା ବାଟରେ ଆଉ ଜଣଙ୍କ ମୃତ୍ୟୁ ହୋଇଛି। ଦୁର୍ଘଟଣା ନେଇ ଖବର ପାଇବା ପରେ ପୁଲିସ ଓ ଉଦ୍ଧାର କାରୀ ଦଳ ତୁରନ୍ତ ଘଟଣା ସ୍ଥଳରେ ପହଞ୍ଚିଥିଲେ। ଘଟଣାର ତଦନ୍ତ ଜାରି ରହିଛି। ଏହି ଶ୍ରଦ୍ଧାଳୁମାନେ ବେଲଗାବୀର ହୁଲକୁଣ୍ଡ ଗାଁରୁ ସବାଦତ୍ତୀର ସ୍ଥିତ ଏକ ମନ୍ଦିରକୁ ଯାଉଥିଲେ। ରାସ୍ତାରେ ଚାଳକ ଗାଡି ଉପରୁ ନିଜର ନିୟନ୍ତ୍ରଣ ହରାଇବାରୁ ଏହା ଅନିୟନ୍ତ୍ରିତ ହୋଇ ଏକ ଗଛ ସହ ଧକ୍କା ହୋଇଥିଲା। କର୍ଣ୍ଣାଟକର ଜଳ ସେଚନ ମନ୍ତ୍ରୀ ଗୋବିନ୍ଦ କରଜୋଲ ଏହି ଦୁର୍ଘଟଣାରେ ଜୀବନ ହାରି ଥିବା ମୃତକଙ୍କ ପରିଜନଙ୍କୁ ପାଞ୍ଚ ଲକ୍ଷ ଲେଖାଏଁ ସହାୟତା ରାଶି ଘୋଷଣା କରିଛନ୍ତି।
ମାର୍ଚ୍ଚ ୧୦ ତାରିଖରୁ ଆରମ୍ଭ ହେବ ମାଟ୍ରିକ ପରୀକ୍ଷା; ଘୋଷଣା କଲା ବୋର୍ଡ
