ଭୁବନେଶ୍ୱର: ଜନତା ମଇଦାନରେ ବିଜେପିର ଶକ୍ତିକେନ୍ଦ୍ର କାର୍ଯ୍ୟକର୍ତ୍ତା ସମ୍ମିଳନୀରେ ଯୋଗ ଦେଇଛନ୍ତି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା । ଜନସାଧାରଣଙ୍କୁ ସମ୍ବୋଧନ କରି ନଡ୍ଡା କହିଛନ୍ତି ଯେ ଓଡ଼ିଶାରେ ବି ବିଜେପି ସରକାର ଆସିବା ଦରକାର । ଡବଲ୍ ଇଞ୍ଜିନର ସରକାର ଆସିବା ଦରକାର । ରାଜ୍ୟରେ ଭ୍ରଷ୍ଟାଚାରମୁକ୍ତ ସରକାର ଦରକାର । ବାଟରେ ଛୁଆ ଜନ୍ମ ହେବା, ଟ୍ରଲିରେ ଶବ ବୁହାହେବା, ଏହା କୁଶାସନର ଛବି । ଆୟୁଷ୍ମାନ ଭାରତ ଯୋଜନା ଲାଗୁ କରୁନାହାନ୍ତି ରାଜ୍ୟ ସରକାର । ଉନ୍ନତ ସ୍ଵାସ୍ଥ୍ୟସେବା ଲୋକେ ପାଆନ୍ତୁ, ଏମାନେ ଚାହୁଁନାହାନ୍ତି ବୋଲି ସମ୍ବୋଧନ କରି କହିଛନ୍ତି ନଡ୍ଡା ।
ଏମିତି ସରକାରଙ୍କୁ ବିଦାୟ କରିବା ସମୟ ଆସିଛି କି ନାହିଁ ? ଓଡ଼ିଶାରେ ହତ୍ୟା ମାମଲାରେ 3 ମନ୍ତ୍ରୀଙ୍କ ନାଁ ଉଠିଥିଲା କି ନାହିଁ ? ରକ୍ଷକ ଏଠି ଯଦି ଭକ୍ଷକ ସାଜିବ, ତେବେ ଏ ସରକାରକୁ ବିଦାୟ ଦେବା କି ନାହିଁ । ମହାପ୍ରଭୁ ଶ୍ରୀଜଗନ୍ନାଥଙ୍କ ରତ୍ନଭଣ୍ଡାର ସୁରକ୍ଷିତ ନୁହେଁ । ନକଲି ସରକାର ବୋଲି ନକଲି ଚାବି କଥା ଉଠାଉଛନ୍ତି।
ନକଲି ସରକାର, ରକ୍ଷକ ସାଜିଛି ଭକ୍ଷକ । ଓଡ଼ିଶାରେ ହତ୍ୟା ମାମଲାରେ 3 ମନ୍ତ୍ରୀଙ୍କ ନାଁ ଉଠିଥିଲା କି ନାହିଁ ? ରକ୍ଷକ ଏଠି ଯଦି ଭକ୍ଷକ ସାଜିବ, ତେବେ ଏ ସରକାରକୁ ବିଦାୟ ଦେବା କି ନାହିଁ । ମହାପ୍ରଭୁ ଶ୍ରୀଜଗନ୍ନାଥଙ୍କ ରତ୍ନଭଣ୍ଡାର ସୁରକ୍ଷିତ ନୁହେଁ । ନକଲି ସରକାର ବୋଲି ନକଲି ଚାବି କଥା ଉଠାଉଛନ୍ତି ବୋଲି କହିଛନ୍ତି ନଡ୍ଡା ।
ସେପଟେ ସନ୍ଧ୍ୟାରେ ନଡ୍ଡାଙ୍କ ପୁରୀ ଯିବାର କାର୍ଯ୍ୟକ୍ରମ ରହିଛି । ଅଠରନଳା ଛକ ପାଖରେ ଦଳୀୟ କାର୍ଯ୍ୟକର୍ତ୍ତା ତାଙ୍କୁ ସ୍ୱାଗତ ସମ୍ବର୍ଦ୍ଧନା ଦେବେ । ପୁରୀରେ ଆଜି ରାତି ରହଣୀ ପରେ ସକାଳୁ ଭଦ୍ରକ ଧାମନଗର ଯିବେ । ସେଠାରେ ଦିବଂଗତ ବିଧାୟକ ବିଷ୍ଣୁ ସେଠୀଙ୍କ ପରିବାର ଲୋକଙ୍କୁ ଭେଟିବେ । କଟକ ଓଲଟପୁର ନିରତାରରେ ଏକ ସରକାରୀ କାର୍ଯ୍ୟକ୍ରମରେ ଯୋଗଦେବେ । ସେଠାରୁ ରାଜଧାନୀ ଫେରି ଜନତା ମଇଦାନରେ ଦଳର ୭ଟି ମୋର୍ଚ୍ଚା ପଦାଧିକାରୀଙ୍କୁ ସମ୍ବୋଧିତ କରିବେ ।
