କୋଲକାତା: ପଶ୍ଚିମବଙ୍ଗରେ ଶିକ୍ଷକ ଭର୍ତ୍ତି ଘୋଟାଲା ମାମଲାରେ ମନ୍ତ୍ରୀ ପାର୍ଥ ଚାଟାର୍ଜୀଙ୍କୁ ଗିରଫ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ ବା ଇଡି। ପାର୍ଥଙ୍କ ସହଯୋଗୀ ଅର୍ପିତା ମୁଖାର୍ଜୀଙ୍କ ଘରୁ ୨୦ କୋଟି ଜବତ ପରେ ତାଙ୍କୁ ଇଡି ଗିରଫ କରିଥିବା ନେଇ ସୂଚନା ମିଳିଛି । ତେବେ ଗତକାଲି ଶିକ୍ଷକ ନିଯୁକ୍ତି ଅନିୟମିତତା ମାମଲାରେ ଚଢ଼ାଉ କରିଥିଲା ଇଡି । ୨୬ ଘଣ୍ଟାର ମାରାଥନ ଜେରା ପକୟରେ ତାଙ୍କୁ ଗିରଫ କରାଯାଇଥିବା ଜଣାପଡିଛି । ଅବଶ୍ୟ ସକାଳେ ପାର୍ଥଙ୍କ ସ୍ୱାସ୍ଥ୍ୟ ବିଗିଡ଼ିଥିବା ଖବର ସାମ୍ନାକୁ ଆସିଥିଲା । ଫଳରେ ୨ ଡାକ୍ତରଙ୍କ ଟିମ୍ ଘଟଣାସ୍ଥଳରେ ପହଞ୍ଚିଛନ୍ତି । ସୂଚନା ଅନୁସାରେ, ପାର୍ଥ ଚାଟାର୍ଜୀଙ୍କୁ ଗିରଫ ପରେ ମେଡିକାଲ ନିଆଯାଉଛି । ତେବେ ମମତା ବାନାର୍ଜୀଙ୍କ ସରକାରରେ ଥିବା ମନ୍ତ୍ରୀ ପାର୍ଥଙ୍କ ସମ୍ପର୍କୀୟ କୁହାଯାଉଥିବା ଅର୍ପିତ ମୁଖାର୍ଜୀଙ୍କ ଘରେ ଇଡି ରେଡ କରିବାରୁ ପ୍ରାୟ ୨୦ କୋଟି ଟଙ୍କାର କ୍ୟାସ ଜବତ ହୋଇଛି । ପାର୍ଥଙ୍କ ଘରେ ମଧ୍ୟ ଶୁକ୍ରବାରଠାରୁ ଚଢ଼ାଉ ଜାରି ରହିଛି ।
ପଶ୍ଚିମବଙ୍ଗରେ ଇଡି ରେଡ୍: ମନ୍ତ୍ରୀ ପାର୍ଥ ଚାଟାର୍ଜୀଙ୍କ ସହଯୋଗୀ ଘରୁ ୨୦ କୋଟି ଜବତ
