ମୁମ୍ବାଇ: ବଲିଉଡ଼ର ମିଷ୍ଟର ପରଫେକ୍ଟ ନାମରେ ପରିଚିତ ଅମୀର ଖାନ । ତାଙ୍କ ଫିଲ୍ମକୁ ଫ୍ୟାନ୍ସମାନେ ଚାତକ ପରି ଅନାଇ ବସିଥାନ୍ତି । ଅମୀରଙ୍କ ଆଗାମୀ ଫିଲ୍ମକୁ ନେଇ ଏବେ ଠୁ ତାଙ୍କର ଫ୍ୟାନ୍ସମାନଙ୍କ ମନରେ ଉତ୍କଣ୍ଠା ଲାଗି ରହିଛି । ପ୍ରାୟ ୪ବର୍ଷ ପରେ ବଡ଼ ପରଦାରେ ନଜର ଆସିବେ ଅମୀର ଖାନ । ତାଙ୍କର ଶେଷ ଫିଲ୍ମ ‘ଠଗସ୍ ଅଫ ହିନ୍ଦୁସ୍ତାନ’ ଯାହା ୨୦୧୮ରେ ରିଲିଜ ହୋଇଥିଲା ।
ଏହା ଭିତରେ ‘ଲାଲ ସିଂ ଚଡ୍ଢା’ର ଟ୍ରେଲର ରିଲିଜକୁ ନେଇ ଆସୁଛି ବଡ଼ ଖବର । କୁହାଯାଉଛି କି ଆଇପିଏଲ୍ ଫାଇନାଲ ଦିନ ଏହାକୁ ରିଲିଜ କରାଯିବ । ଆଇପିଏଲ୍ ଫାଇନାଲ ୨୦୨୨ ମେ ୨୯ରେ ହେବାକୁ ଥିବାବେଳେ ଏହି ଦିନ ଏହାକୁ ଲଞ୍ଚ କରାଯିବ । ଏହା ପ୍ରଥମ ଥର ଏପରି ହେବାକୁ ଯାଉଛି ଯେତେବେଳେ ଦର୍ଶକମାନେ କ୍ରିକେଟ ମ୍ୟାଚ୍ ଦେଖୁଥିବାବେଳେ ଏହାର ଟ୍ରେଲର ଦେଖିବେ। ମ୍ୟାଚର ଦ୍ବିତୀୟ ଭାଗରେ ଷ୍ଟାର ସ୍ପୋର୍ଟ୍ସରେ ଏହାର ଟ୍ରେଲରକୁ ପ୍ରସାରଣ କରାଯିବ । କୌଣସି ଫିଲ୍ମର ଟ୍ରେଲର ଛୋଟ ପରଦାରେ ରିଲିଜ ହେବା ପ୍ରଥମ ଘଟଣା। ‘ଲାଲ ସିଂ ଚଡ୍ଢା’ ହଲିଉଡ଼ ଫିଲ୍ମ ‘ଫରେଷ୍ଟ ଗମ୍ପ’ର ହିନ୍ଦୀ ରିମେକ ।
