ନାଇଟ୍ କ୍ଲବ ପାର୍ଟିରେ ରାହୁଲ ଗାନ୍ଧୀ

ନୂଆଦିଲ୍ଲୀ :ଜାତୀୟ ରାଜନୀତି ରେ ରାହୁଲ ଗାନ୍ଧୀ କୁ ନେଇ ଉଠିଛି ଝଡ । ଦେଶର ସର୍ବ ପୁରାତନ ରାଜନୈତିକ ଦଳ କଂଗ୍ରସ କୁ ନେଇ ଚର୍ଚା ଥମୁନି । ଏକ କ୍ଲବ ପାର୍ଟିରେ ରାହୁଲ ଗାନ୍ଧୀ ନଜର ଆସିବା ପରେ ଜାତୀୟ ରାଜନୀତି ରେ ହଇଚଇ ସୃଷ୍ଟି ହୋଇଛି । ଏନେଇ ବିଜେପି ପ୍ରଶ୍ନ ଉଠାଇ ଥିବା ବେଳେ କଂଗ୍ରେସ କହିଛି ଯେ ରାହୁଲ ଗାନ୍ଧୀ ବିବାହ ଉତ୍ସବ ରେ ଯୋଗଦାନ କରିବାକୁ ନେପାଳ ର କାଠ ମାଣ୍ଟୁ କୁ ଯାଇଛନ୍ତି । ଅନେକ ଥର ରାହୁଲ ଗାନ୍ଧୀ ନିଜର ରାଜନୀତି ରେ ବିଫଳତାକୁ ନେଇ ତ କେତେବେଳେ ବ୍ୟକ୍ତିଗତ ଜୀବନ କୁ ଚର୍ଚା କୁ ଆସିଥାନ୍ତି । ଏବେ ପୁଣି ଥରେ ଏକ ନୂଆ ବିବାଦ ଭିତରେ ଫଶିଛନ୍ତି । ବିଜେପି ପୁଣି ଥରେ ରାହୁଲ ଗାନ୍ଧୀ ଙ୍କୁ ଘେରିଛି । ରାହୁଲ ଗାନ୍ଧୀ ଙ୍କ ପାର୍ଟିର ଭିଡିଓ ଏବେ ଭାଇରାଲ ହେବାରେ ଲାଗିଛି । ଯାହାକୁ ନେଇ ଅନେକ ନେତା ପ୍ରଶ୍ନବାଣ ମାରିଛନ୍ତି । ବିଜେପିର ମୁଖପାତ୍ର ଶହଜାଦ ପୁନବ୍ୱାଲା କହିଛନ୍ତି କି ରାଜସ୍ଥାନ ରେ କଂଗ୍ରେସ ଏବେ ସରକାରରେ ଥିବା ବେଳେ ଜୋଧପୁର ରେ ହିଂସା ଘଟୁଛି ସେତେବେଳେ ରାହୁଲ ଏହା ଉପରେ ଚିନ୍ତା ପ୍ରକଟ କରିବା ପରିବର୍ତ୍ତେ ନେପାଳ ର ନାଇଟ କ୍ଲବରେ ପାର୍ଟି କରୁଥିବା ଦେଖିବାକୁ ମିଳୁଛି । ସୂଚନା ଅନୁଯାୟୀ କଂଗ୍ରେସ ସାଂସଦ ରାହୁଲ ଗାନ୍ଧୀ ୩ ଦିନିଆ ବ୍ୟକ୍ତିଗତ ନେପାଳ ଗସ୍ତ ରେ ଯାଇଛନ୍ତି । ନେପାଳୀ ବନ୍ଧୁ ସୁମନିମା ଉଦାସଙ୍କ ବିବାହରେ ଯୋଗ ଦେବାକୁ କାଠ ମାଣ୍ଟୁ ରେ ପହଁଚିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ରାହୁଲ ଗାନ୍ଧୀଙ୍କ ନେପାଳ ଗସ୍ତ ସମୟରେ ଏକ ଭିଡିଓ ସୋସିଆଲ ମିଡିଆ ରେ ଭାଇରାଲ ହୋଇଥିଲା । ଭିଡିଓରେ ରାହୁଲ ଗାନ୍ଧୀ ନାଇଟକ୍ଲବ ରେ ଥିବା ନଜର ଆସିଥିଲେ । ସୂଚନା ଅନୁଯାୟୀ ରାହୁଲ ଗାନ୍ଧୀ ସୋମବାର କାଠମାଣ୍ଡୁ ଏୟାରପୋର୍ଟ ରେ ପହଁଚିବା ପରେ ନିଜର ତିନି ଜଣ ବନ୍ଧୁଙ୍କ ସହ ମାରିଓଟ ହୋଟେଲ ରେ ରହିଥିଲେ । ରାହୁଲ ଗାନ୍ଧୀ ନିଜର ନେପାଳୀ ବନ୍ଧୁ ସୁମନିମା ଉଦାସଙ୍କ ବିବାହରେ ଯୋଗ ଦେବାକୁ ପହଁଚିଛନ୍ତି । ଏ ନେଇ ସୁମନିମା ଙ୍କ ପିତା କହିଛନ୍ତି କି , ମୋ ଝିଅର ବିବାହ ଉତ୍ସବ ରେ ଯୋଗଦେବାକୁ ରାହୁଲ ଗାନ୍ଧୀ ଙ୍କୁ ନିମନ୍ତ୍ରଣ କରିଥିଲି । ତେବେ ବିବାହର ସମୟ ଆଜି ହୋଇଥିବା ବେଳେ ରିସେପଶନ ୫ ମେ ରେ ହେବ । ସୁମନିମାଙ୍କ ବିବାହ ନିମା ମାରଟିନ ଶେରପା ରେ ହେଉଛି ।