ଭୋପାଳ: ସୁଭାଷ ନାଗର ନିବାସୀ ଜଣେ 20 ବର୍ଷର ଯୁବତୀକୁ ବିବାହର ବାହାନା କରି ଜଣେ ବ୍ୟକ୍ତି ତାଙ୍କୁ ବଳାତ୍କାର କରିଥିବା ଏବଂ ଘଟଣା ବିଷୟରେ କାହାରିକୁ କହିଲେ ପରିଣତି ଭୟାନକ ହେବ ବୋଲି ଅଭିଯୁକ୍ତ ଧମକ ଦେଇଥିବା ଅଭିଯୋଗ ହୋଇଛି ।
ତେବେ ପୀଡିତା ଅଭିଯୁକ୍ତଙ୍କ ବିରୋଧରେ ଅଭିଯୋଗ ଦାଖଲ କରିବା ପାଇଁ ଶନିବାର ଦିନ ଅଲିଷବାଗ ପୋଲିସ ଷ୍ଟେସନରେ ପହଞ୍ଚିବା ପରେ ମାମଲା ସାମ୍ନାକୁ ଆସିଛି । ତାଙ୍କ ଅଭିଯୋଗରେ ସେ ଦର୍ଶାଇଛନ୍ତି ଯେ, ସେ ଅଭିଯୁକ୍ତଙ୍କ ପିତାଙ୍କ ଦୋକାନରେ କାମ କରୁଥିବାରୁ ଅଭିଯୁକ୍ତଙ୍କ ସହ ଯୋଗାଯୋଗରେ ଥିଲେ। ଏହା ପରେ ଦୁହେଁ ବନ୍ଧୁ ହେଲେ ଏବଂ ଅଭିଯୁକ୍ତ ତାଙ୍କୁ ବିବାହ କରିବାକୁ ପ୍ରତିଶୃତି ଦେଇଥିଲେ।
ଯୁବତୀ ଜଣକ ଅଭିଯୋଗ କରିଛି ଯେ, ଅଭିଯୁକ୍ତ ତାଙ୍କୁ ଡିସେମ୍ବର 2021 ରେ ଫୋନ୍ କରି ତାଙ୍କ ସହ ଶାରୀରିକ ସମ୍ପର୍କ ସ୍ଥାପନ କରିବାକୁ କହିଥିଲେ। ଯେତେବେଳେ ସେ ତାଙ୍କ କଥାକୁ ପ୍ରତ୍ୟାଖ୍ୟାନ କଲେ ସେତେବେଳେ ସେ ତାଙ୍କୁ ବଳାତ୍କାର କରିବାର ଧମକ ଦେଇଥିଲେ।
ବିବାହର ବାହାନା କରି ବିଏଚଏଲ୍ ଅଞ୍ଚଳର ଏକ ନିଛାଟିଆ ଘରେ ଅଭିଯୁକ୍ତ ତାଙ୍କୁ ଯୌନ ନିର୍ଯାତନା ଦେଇଥିବାର ପୀଡିତା ଅଭିଯୋଗ କରିଛନ୍ତି ।
ଏହି ପ୍ରସଙ୍ଗରେ କିଛି ଦିନ ଚୁପ୍ ରହିବା ପରେ ପୀଡିତା ଶେଷରେ ଶନିବାର ପୋଲିସ ନିକଟରେ ଅଭିଯୋଗ କରି ଅଭିଯୁକ୍ତଙ୍କ ବିରୋଧରେ ଅଭିଯୋଗ ଦାଖଲ କରିଛନ୍ତି ।
