ନୂଆଦିଲ୍ଲୀ : କିସମିସକୁ ଆପଣ ଯେକୌଣସି ସମୟରେ ଖାଇ ପାରିବେ। କିନ୍ତୁ ଯଦି ଆପଣ ଶୀଘ୍ର ଓଜନ ହ୍ରାସ କରିବାକୁ ଚାହାଁନ୍ତି, ତେବେ ଆପଣଙ୍କୁ ଏକ ସମୟ ସ୍ଥିର କରିବାକୁ ପଡିବ, ଯାହା ଦ୍ୱାରା ଆପଣ ଏହି ସମସ୍ୟାରୁ ମୁକ୍ତି ପାଇପାରିବେ। ଯଦି ଆପଣ ମୋଟାପଣ ଦ୍ୱାରା ଚିନ୍ତିତ, ତେବେ ନିଶ୍ଚିତ ଭାବରେ ଖାଦ୍ୟରେ କିସମିସ୍ ଅନ୍ତର୍ଭୁକ୍ତ କରନ୍ତୁ। ଏହା ନିଶ୍ଚିତ ଭାବରେ ଆପଣଙ୍କ ପାଇଁ ଲାଭଦାୟକ ହେବ। କିସମିସରେ ଅନେକ ପୋଷକ ତତ୍ତ୍ୱ ମିଳିଥାଏ, କିନ୍ତୁ ଏହାକୁ ଖାଇବା ପାଇଁ ମଧ୍ୟ ଏକ ଉପଯୁକ୍ତ ଉପାୟ ଏବଂ ସମୟ ଥାଏ। ତେବେ ଚାଲନ୍ତୁ ଜାଣିବା ପ୍ରତିଦିନ କିସମିସ୍ କିପରି ଏବଂ କେତେ ଖାଇବା ଉଚିତ୍, ଯାହା ଓଜନ ହ୍ରାସ କରିବାରେ ସାହାଯ୍ୟ କରିଥାଏ।
କିସ୍ମିସ୍ ଭିଜାଇ ଖାଇବା ଦ୍ୱାରା ଫାଇଦା ମିଳିଥାଏ :
କିସମିସ୍ ଏପରି ଏକ ଡ୍ରାଏ ଫ୍ରୁଟ୍, ଯାହାର ବ୍ୟବହାର ଖିରି ତିଆରିରେ କରାଯାଇଥାଏ। ଏଥିରେ ଆଇରନ୍, ପୋଟାସିୟମ୍ ଏବଂ କ୍ୟାଲସିୟମ୍ ପରି ପୋଷକ ତତ୍ତ୍ୱ ରହିଥାଏ ଯାହା ଶରୀରକୁ ଶକ୍ତି ଏବଂ ମଜବୁତ ପ୍ରଦାନ କରିଥାଏ। ଏହାକୁ ଶୁଖିଲା କିମ୍ବା ଭିଜାଇ ଖିଆଯାଇପାରେ। ଯଦି ଆପଣ ଏହାକୁ ଖାଲି ପେଟରେ ଖାଆନ୍ତି ତେବେ ଆପଣ ଅଧିକ ଲାଭ ପାଇପାରିବେ।
କେଉଁ ସମୟରେ କିସମିସ୍ ଖାଇବା ଉଚିତ୍ :
ପ୍ରତିଦିନ ଜଳଖିଆରେ କିସମିସ୍ ଖାଇବା ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ। ଓଟ୍ସ କିମ୍ବା ସେକରେ କିସମିସ୍ ମିଶାଇ ଖାଇପାରିବେ। ଯଦି ଆପଣ ଖାଲି ପେଟରେ ପ୍ରତିଦିନ ମୁଠାଏ କିସମିସ୍ ଖାଆନ୍ତି, ତେବେ ଆପଣ ସମ୍ପୂର୍ଣ୍ଣ ଫିଟ୍ ହୋଇପାରିବେ।
କିସମିସ୍ ଖାଇବାର ଫାଇଦା :
-କୋଷ୍ଠକାଠିନ୍ୟରେ ପୀଡିତ ଲୋକମାନେ କିସମିସ୍ ଭିଜାଇ ଖାଇପାରିବେ। ଏହା ଦ୍ୱାରା ତାଙ୍କର ସମସ୍ୟା ଦୂର ହୋଇପାରିବ।
-କିସମିସ୍ ଓଜନ ହ୍ରାସ କରିବାରେ ସହାୟକ ହୋଇଥାଏ। ଏହା ବ୍ୟତୀତ ଏଥିରେ ନେଚୁରାଲ୍ ସୁଗାର ରହିଥାଏ, ଯାହା ଓଜନ କମାଇବାରେ ଲାଭଦାୟକ ହୋଇଥାଏ।
-ରୋଗ ପ୍ରତିରୋଧକ ଶକ୍ତି ବଢାଇବା ସହିତ କିସମିସ୍ ହାଡ ପାଇଁ ମଧ୍ୟ ବହୁତ ଲାଭଦାୟକ ହୋଇଥାଏ।
