ସୁବର୍ଣ୍ଣପୁର:ସୁବର୍ଣ୍ଣପୁର ସହର ଏବେ ପାଲଟିଛି ତତଲା ଗଡ । କିଛି ଦିନ ହେଲା ଲଗାତାର ତାତିରେ ନଂ ୧ ହୋଇଛି । ଗତ ସପ୍ତାହରେ ବୁଧବାର ଓ ଗୁରୁବାର ଲଗାତାର ଦୁଇ ଦିନ ପାରା ୪୪.୨ ଡିଗ୍ରୀ ଥିବାବେଳେ ଏବେ ତିନିଦିନ ହେଲା ସର୍ବୋଚ୍ଚ 43.5 ଡିଗ୍ରୀ ରହିଛି । ତେବେ ତତଲା କଡାଇରେ ଭାଜି ହେଉଛନ୍ତି ଜିଲ୍ଲାବାସୀ । ତା ସହ ଅଘୋଷିତ ବିଦ୍ୟୁତ କାଟ ଏବଂ ପାନୀୟ ଜଳର ଉତ୍କଟ ସମସ୍ୟା ଲୋକଙ୍କ ଦୁଃଖକୁ ଦ୍ବିଗୁଣିତ କରି ପକାଇଛି । ମଣିଷଠୁ ଅ।ରମ୍ଭ କରି ପଶୁ ପକ୍ଷିମାନେ ମଧ୍ୟ ତ୍ରାହି ତ୍ରାହି ଡାକିଲେଣି । ତେବେ ଶିତରେ ବି ୧ ନମ୍ବର ଏବଂ ତାତିରେ ବି ୧ ନମ୍ବର ହୋଇଛି ସୁବର୍ଣ୍ଣପୁର ଜିଲ୍ଲା । ଫଳରେ ଅସ୍ତବ୍ୟସ୍ତ ହୋଇପଡିଛି ଜନ ଜୀବନ । ତେବେ କାହିଁକି ବଢୁଛି ତାପମାତ୍ରା ? କିଭଳି ହେବ ଏହାର ପ୍ରତିକାର ? ତାତି ବଢିବାର କଣ ରହିଛି ପ୍ରମୁଖ କାରଣ ?
ସୁବର୍ଣ୍ଣପୁର ଜିଲ୍ଲାର ଭୌଗଳିକ ସ୍ଥିତିକୁ ଅନୁଧ୍ୟାନ କଲେ ଏଠାରେ ଅନେକ ଛୋଟ ବଡ ନଦୀ ରହିଛି । ଚିରସ୍ରୋତା ମହାନଦୀ, ତେଲ ନଦୀ, ଅଙ୍ଗ ନଦୀ ସହ ଛୋଟ ବଡ ଅନେକ ଗୁଡିଏ ନଦୀ ପ୍ରବାହିତ ହେଉଛି । ସହରକୁ ଚତୁଃପାର୍ଶ୍ବରୁ ନଦୀ ଘେରି ରହିଛି । ହେଲେ ବର୍ତ୍ତମାନ ଦେଶର ଉତ୍ତପ୍ତ ସହରଭାବେ ପରିଗଣିତ ହୋଇଛି ସୁବର୍ଣ୍ଣପୁର । କାରଣ ଏବେ ନଦୀ ଶଯ୍ୟା ଗୁଡିକ ପ୍ରାୟ ପୋତି ହୋଇଯାଇଥିବାବେଳେ ଜଳ ଧାରଣ କ୍ଷମତା ମଧ୍ୟ କମିବାରେ ଲାଗିଛି । ତା ସହ ଗାଁଠୁ ସହର ଏବେ କଂକ୍ରିଟ କରଣ ହେବାରେ ଲାଗିଛି । ଯାହା ଫଳରେ ଦିନକୁ ଦିନ ତାତି ବଢୁଛି ବୋଲି ଅ।ଶଙ୍କା କରୁଛନ୍ତି ଜିଲ୍ଲାବାସୀ । କେବଳ ନଦୀ ଓ କଂକ୍ରୀଟ କରଣ ନୁହେଁ । ଜିଲ୍ଲାରେ ଜଙ୍ଗଲ ସ୍ଥିତି ଉଦବେଗଜନକ । ବର୍ତ୍ତମାନ ଜିଲ୍ଲାରେ ମାତ୍ର 18 ପ୍ରତିଶତ ଜଙ୍ଗଲ ଥିବାବେଳେ ଦିର୍ଘ 5 ବର୍ଷ ହେଲା ବର୍ଷକୁ ପ୍ରାୟ 20 କୋଟି ଟଙ୍କା ଖର୍ଚ୍ଚ ହେଉଛି ନୁତନ ଜଙ୍ଗଲ ସୃଷ୍ଟି ପାଇଁ । ଲକ୍ଷ୍ୟ ରଖାଯାଇଛି 33 ପ୍ରତିଶତ ଜଙ୍ଗଲ ସୃଷ୍ଟି କରିବାକୁ । ହେଲେ ଦିନକୁ ଦିନ ଜଙ୍ଗଲ କମୁଛି ପଛେ ବଢୁନି ବୋଲି ଅଭିଯୋଗ କରିଛନ୍ତି ବୁଦ୍ଧିଜିବୀ । ତା ସହ ଜଙ୍ଗଲରେ ନିଅଁ। ଓ ଚାଷ ଜମିରେ ନିଅଁ। ଯୋଗୁଁ ମଧ୍ୟ ତାପମାତ୍ରା ବୃଦ୍ଧି ହେଉଥିବା ଅନୁମାନ କରାଯାଇଛି । ଅନ୍ୟପକ୍ଷରେ ନଦୀ ସ୍ରୋତରେ ପାଣିକୁ ଅଟକାଇ ପାରିଲେ ତାତି ସମସ୍ୟାର ସମାଧାନ ହୋଇପାରିବ ବୋଲି କହିଛନ୍ତି ପରିବେଶବିତ । ଏଥି ପ୍ରତି ସରକାର ପଦକ୍ଷେବ ନେବାକୁ ଦାବି କରିଛନ୍ତି ।
