ଭୁବନେଶ୍ୱର: ରାଜ୍ୟରେ ଅବସରପ୍ରାପ୍ତ ଶିକ୍ଷକମାନଙ୍କୁ ଟିଚର୍ ଅନ୍ କଲ୍ ଯୋଜନାରେ ନିୟୋଜିତକୁ ଦୃଢ଼ ବିରୋଧ କରିଛନ୍ତି ବେକାରୀ ସିଟି-ବିଏଡ୍ ସଂଘର ଛାତ୍ରଛାତ୍ରୀ । ରାଜ୍ୟର ବହୁ ସ୍କୁଲ୍ରେ ଖାଲି ଥିବା ପଦବୀଗୁଡ଼ିକୁ ତୁରନ୍ତ ପୂରଣ କରିବା ପାଇଁ ବହୁ ଦିନରୁ ଦାବି ହୋଇ ଆସୁଥିଲେ ମଧ୍ୟ ଯେଉଁମାନେ ସିଟି ବିଏଡ୍ ସାର୍ଟିଫିକେଟ୍ ଧରି ବସିଛନ୍ତି, ସେମାନଙ୍କୁ ନିଯୁକ୍ତି ଦେବା ପରିବର୍ତ୍ତେ ଅବସରପ୍ରାପ୍ତ ଶିକ୍ଷକମାନଙ୍କୁ ଟିଚର୍ସ ଅନ୍ କଲ୍ ଯୋଜନାରେ ନିୟୋଜିତକୁ ଦୃଢ଼ ବିରୋଧ କରିଛି ସଂଘ । ସେମାନେ କହିଛନ୍ତି ଯେ ୬୦,୦୦୦ ରୁ ଅଧିକ ତାଲିମପ୍ରାପ୍ତ ଈଋୟ ଏବଂ ଉଞ ପ୍ରାର୍ଥୀମାନେ ରାଜ୍ୟରେ ଚାକିରୀକୁ ଅପେକ୍ଷା କରିଛନ୍ତି। ଏଭଳି ସ୍ଥିତିରେ କେଉଁ ଭିତ୍ତିରେ ଅବସରପ୍ରାପ୍ତ ଶିକ୍ଷକଙ୍କୁ ପୁଣି ଶିକ୍ଷକ ବୃତ୍ତିରେ ନିୟୋଜିତ କରିବାକୁ ସରକାର ନିଷ୍ପତ୍ତି ନେଉଛନ୍ତି । ଯେଉଁ ସମୟରେ ହଜାର ହଜାର ଯୋଗ୍ୟ ପ୍ରାର୍ଥୀ ବେକାର ଅଛନ୍ତି, ସେତେବେଳେ ରାଜ୍ୟ ସରକାର ବିଦ୍ୟାଳୟରେ ଅବସରପ୍ରାପ୍ତ ଶିକ୍ଷକମାନଙ୍କୁ ନିୟୋଜିତ କରୁଛନ୍ତି। ଏଠାରେ ତାଲିମପ୍ରାପ୍ତ, ଯୋଗ୍ୟ ପ୍ରାର୍ଥୀଙ୍କ ଅଭାବ ସମ୍ପର୍କରେ ଭୁଲ ତଥ୍ୟ ଦେଇ ସରକାର ଜନସାଧାରଣ ତଥା ଗଣମାଧ୍ୟମକୁ ବିଭ୍ରାନ୍ତ କରୁଛନ୍ତି ବୋଲି ତାଲିମପ୍ରାପ୍ତ ସିଟି ବିଏଡ୍ ସଂଘର ସଭାପତି ସତ୍ୟ ଭୂଷଣ ତରାଇ କହିଛନ୍ତି ।
ପ୍ରକାଶ ଯେ ହାଇସ୍କୁଲରେ ଅତି କମରେ ୧୩୦୦୦ ପଦବୀ ଖାଲି ପଡିଥିବାବେଳେ ରାଜ୍ୟର ପ୍ରାୟ ସମସ୍ତ ସ୍କୁଲ୍ରେ ୩୬୦୦୦ ଶିକ୍ଷକ ପଦ ଖାଲି ପଡ଼ିଛି । ଅବସରପ୍ରାପ୍ତ ଉଚ୍ଚ ବିଦ୍ୟାଳୟର ଶିକ୍ଷକମାନଙ୍କୁ ନିୟୋଜିତ କରିବା ପାଇଁ ରାଜ୍ୟ ସରକାର ଅଗଷ୍ଟ ୧୭ ରେ ‘ଶିକ୍ଷକ-ଅନ୍-କଲ’ ଯୋଜନା ଆରମ୍ଭ କରିଥିଲେ। ସେମାନେ ଆହୁରି ମଧ୍ୟ କହିଛନ୍ତି ଯେ ରାଜ୍ୟରେ ୬୦୦୦ ରୁ ଅଧିକ ଶିକ୍ଷାଦାନ ପ୍ରମାଣପତ୍ର (ସିଟି), ସ୍ୱତନ୍ତ୍ର ଶିକ୍ଷା (ଡିଏସ୍ଇ) ରେ ୧୦୦୦ ଡିପ୍ଲୋମା ଏବଂ ପ୍ରାୟ ୨୦୦୦ ବିଏଡ୍ ଛାତ୍ରଛାତ୍ରୀ ବର୍ତ୍ତମାନ ବେକାର ହୋଇ ବସିଛନ୍ତି । ଏହା ବ୍ୟତୀତ, ବହୁ ସଂଖ୍ୟାରେ ଓଡିଆ ଛାତ୍ରମାନେ ଅନ୍ୟ ରାଜ୍ୟ ବିଶ୍ୱବିଦ୍ୟାଳୟଗୁଡ଼ିକରୁ ବିଏଡ୍ ପାଠ୍ୟକ୍ରମ ଗ୍ରହଣ କରିଛନ୍ତି । ଶ୍ରୀ ତରାଇ କହିଛନ୍ତି ଯେ ଆମେ ବିଭାଗୀୟ ମନ୍ତ୍ରୀ ଏବଂ ବରିଷ୍ଠ ଅଧିକାରୀଙ୍କୁ ଅନେକ ଥର ଭେଟିଛୁ, କିନ୍ତୁ ଖାଲିଥିବା ପଦବୀ ପୂରଣ ଦିଗରେ କୌଣସି ପଦକ୍ଷେପ ଗ୍ରହଣ କରାଯାଉନାହିଁ ।
‘ଟିଚର୍ସ-ଅନ୍-କଲ୍’କୁ ସିଟି ବିଏଡ୍ ପାସ୍ଆଉଟ୍ ଛାତ୍ରଛାତ୍ରୀଙ୍କ ବିରୋଧ
