ଗୁଳି ଫୁଟି ଗାଙ୍ଗପୁର ଆଇଆଇସିଙ୍କ ମୃତ୍ୟୁ

ଗଞ୍ଜାମ: ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଆଇଆଇସି ଦେବ କୁମାର ଗମାଙ୍ଗ ଗୁଳିମାଡ଼ରେ ପ୍ରାଣ ହରାଇଛନ୍ତି । ଗାଙ୍ଗପୁର ଥାନା ଅଧିକାରୀ ଦେବ କୁମାର ଗମାଙ୍ଗ ନିଜେ ରଖିଥିବା ବନ୍ଧୁକରୁ ଗୁଳି ତାଙ୍କ ଦେହରେ ବାଜି ତାଙ୍କର ମୃତ୍ୟୁ ହୋଇଛି। ସେ ଆଜି ଗାଙ୍ଗପୁର ଥାନା ପରିସରରେ ଅଣ୍ଟାରେ ନିଜ ବନ୍ଧୁକ ରଖୁଥିବା ବେଳେ ଅଚାନକ ତାଙ୍କ ବନ୍ଧୁକରୁ ଗୁଳି ଫୁଟି ଅଣ୍ଟାରେ ବାଜି ଥିଲା । ପ୍ରଚୁର ରକ୍ତ ସ୍ରାବ ହେବାରୁ ତାଙ୍କୁ ଆସ୍କା ମେଡିକାଲ ନିଆଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କଲେ । ଗଞ୍ଜାମ ଏସ୍‌ପି ବ୍ରିଜେଶ ରଏ ଏ ଘଟଣାର ସୂଚନା ଦେଇଛନ୍ତି ।