ନୂଆଦିଲ୍ଲୀ : ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟାନଙ୍କ ଫିଲ୍ମ ‘ଧମାକା’ ର ଟ୍ରେଲର ରିଲିଜ୍ ହୋଇଛି । ଏଥିରେ କାର୍ତ୍ତିକଙ୍କର ଟ୍ରାନ୍ସଫରମେସନ ପ୍ରଶଂସକଙ୍କୁ ସ୍ତବ୍ଧ କରି ଦେଇଛି । ଫିଲ୍ମଟିକୁ ନିର୍ଦ୍ଦେଶନା ଦେଇଛନ୍ତି ରାମ ମାଧବନୀ । କାର୍ତ୍ତିକ ଆର୍ଯ୍ୟନଙ୍କୁ ଫିଲ୍ମରେ ଏକ ଭିନ୍ନ ଭୂମିକାରେ ଦେଖିବାକୁ ମିଳୁଛି ଏବଂ ନିଶ୍ଚିତ ଭାବରେ ଅଭିନେତାଙ୍କ ପରିବର୍ତ୍ତନ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଛି । କାର୍ତ୍ତିକ ଏପର୍ଯ୍ୟନ୍ତ ରୋମାଣ୍ଟିକ-କମେଡି ଚଳଚ୍ଚିତ୍ର ସହିତ ଲୋକଙ୍କ ହୃଦୟ ଜିତିଛନ୍ତି। ଏଭଳି ପରିସ୍ଥିତିରେ ‘ଧମାକା’ ତାଙ୍କ କ୍ୟାରିୟରର ମୋଡ଼ ବଦଳାଇପାରେ । ଦର୍ଶକ କାର୍ତ୍ତିକଙ୍କୁ ଏପରି ଭୂମିକାରେ ପୂର୍ବରୁ ଦେଖି ନାହାଁନ୍ତି। ଏହି କାରଣରୁ, ପ୍ରଶଂସକମାନେ ତାଙ୍କ ଏହି ନୂତନ ଅବତାର ଦେଖି ବହୁତ ଉତ୍ସାହିତ ଅଛନ୍ତି । ଟ୍ରେଲରରେ ଦର୍ଶକଙ୍କୁ ସବୁକିଛି ଦେଖିବାକୁ ମିଳିବ ଯାହାକୁ ସେମାନେ ଫିଲ୍ମରେ ଦେଖିବାକୁ ପାଇବେ ।
ସବୁଠାରୁ ଖାସ୍ କଥା ହେଉଛି ରୋମାଣ୍ଟିକ, କମେଡି ଉପରେ ରାଜ କରି ଆସିଛନ୍ତି କାର୍ତ୍ତିକ । ସେହିପରି ‘ଧମାକା’ ତାଙ୍କ କ୍ୟାରିଅରର ଏକ ଟର୍ଣ୍ଣିଂ ପଏଣ୍ଟ ଯାହା ତାଙ୍କ କ୍ୟାରିଅର ଗ୍ରାଫରେ ଏକ ନୂତନ ଡାଏମେଂଶନ ଯୋଡି ଦେଇଛି । ଫିଲ୍ମ ‘ଧମାକା’ ରେ କାର୍ତ୍ତିକ ଜଣେ ପ୍ରାଇମ ଟାଇମ ନ୍ୟୁଜ ଆଙ୍କର ଭାବେ ଅଭିନୟ କରିଛନ୍ତି । ଏହି ଫିଲ୍ମରେ କାର୍ତ୍ତିକଙ୍କ ବ୍ୟତିତ ମୃଣାଳ ଠାକୁର, ଅମୃତା ସୁଭାଷ, ବିକାଶ କୁମାର ଏବଂ ବିଶ୍ୱଜିତ୍ ପ୍ରଧାନ ମଧ୍ୟ ଅଭିନୟ କରିଛନ୍ତି ।
