ଭୁବନେଶ୍ୱର: ଅଭିନେତା ବବି ମିଶ୍ରଙ୍କୁ ଗିରଫ କରିଛି ପୁଲିସ । ପଡୋଶୀଙ୍କ ସହିତ ଗଣ୍ଡଗୋଳ ଅଭିଯୋଗରେ ସେ ଗିରଫ ହୋଇଛନ୍ତି । ଗାଡି ପାର୍କିଂକୁ ନେଇ ପଡୋଶୀଙ୍କ ସହ ତାଙ୍କର ଗଣ୍ଡଗୋଳ ହୋଇଥିଲା । ନୟାପଲ୍ଲୀ ଥାନା ପୋଲିସ ଉଭୟଙ୍କୁ ଥାନାକୁ ଡାକି ପଚରାଉଚୁରା କରୁଥିଲା । ପଚରାଉଚୁରା ପରେ ପୋଲିସ ବବି ମିଶ୍ରଙ୍କୁ ଗିରଫ କରିଥିବା ସୂଚନା ମିଳିଛି । ମଦ୍ୟପାନ କରି ନିଜର ପଡ଼ୋଶୀଙ୍କୁ ହତ୍ୟା ଧମକ ,ଦୁର୍ବ୍ୟବହାର ଓ ମାଡ଼ ମାରିବା ଅଭିଯୋଗରେ ଆଜି ନୟାପଲ୍ଲୀ ଥାନା ପୋଲିସ ଓଡ଼ିଆ ଚଳଚ୍ଚିତ୍ର ଅଭିନେତା ବବି ମିଶ୍ରଙ୍କୁ ଅଟକ ରଖି ପଚରାଉଚରା କରୁଥିବା ଜଣାପଡ଼ିଛି।
ମିଳିଥିବା ସୂଚନା ଅନୁଯାୟୀ, ଗତ ଶନିବାର ଦିନ କାର ପାର୍କିଂ କୁ ନେଇ ବବି ଓ ତାଙ୍କର କେତେକ ସହ ଯୋଗୀ ତାଙ୍କ ପଡୋଶୀଙ୍କୁ ଗାଳିଗୁଲଜ କରିବା ସହ ମାଡ଼ ମାରିଥିଲେ । ଏନେଇ ପଡୋଶୀ ତପି ମିଶ୍ର ନୟାପଲ୍ଲୀ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗକୁ ଭିତ୍ତି କରି ପୋଲିସ ଆପୋଷ ବୁଝାମଣା ପାଇଁ ଥାନାକୁ ଡାକିଥିଲା । ପରେ ବବିଙ୍କୁ ପୋଲିସ ଛାଡି ଦେଇଥିବା ଜଣାପଡିଛି ।
