ବେଆଇନ ଗୋରୁ ଚାଲାଣ ବେଳେ ୪୦ରୁ ଉର୍ଦ୍ଧ୍ୱ ଗୋରୁ ଉଦ୍ଧାର, କଣ୍ଟେନର ଜବତ

ଦେବଗଡ଼ : ଦେବଗଡ଼ ଥାନା ଅନ୍ତର୍ଗତ ଚଟିବରଘାଟ ଗ୍ରାମ ନିକଟସ୍ଥ ୪୯ନମ୍ବର ଜାତୀୟ ରାଜପଥରେ ଶୁକ୍ରବାର ବେଆଇନ ଗୋରୁ ଚାଲାଣ ବେଳେ ୪୦ରୁ ଉର୍ଦ୍ଧ୍ୱ  ଗୋରୁ ଉଦ୍ଧାର କରାଯାଇଥିବା ବେଳେ କଣ୍ଟେନର କୁ ପୁଲିସ ଜବତ କରିଛି l ମିଳିଥିବା ସୂଚନା ଅନୁଯାୟୀ ଆଜି ପ୍ରତ୍ୟୁଷ ରେ ସମ୍ବଲପୁର ପଟୁ ଏକ କଣ୍ଟେନର ରେ ବେଆଇନ ଭାବେ ୪୨ଟି ଗୋରୁ ଭର୍ତ୍ତି କରି କଲିକତା ଅଭିମୁଖେ ଯାଉଥିବା ବେଳେ ଭି ଏଚ ପି କର୍ମକର୍ତା ଓ ଗ୍ରାମବାସୀ ମାନେ ଜାଣିପାରି ଗାଡିକୁ ଅଟକାଇବା ସହ ଦେବଗଡ଼ ଥାନା ପୁଲିସକୁ ସୂଚନା ଦେଇଥିଲେ l ସୂଚନା ପାଇ ଦେବଗଡ଼ ଥାନା ପୁଲିସ ଏସଆଇ ବୁଦ୍ଧରାୟ ମାଝୀ ଓ ପ୍ରତାପ ଦଳେଇ ସଦଳବଳେ ଘଟଣା ସ୍ଥଳରେ ପହଞ୍ଚି ବେଆଇନ ଗୋରୁ ବୋଝେଇ କଣ୍ଟେନରକୁ ଜବତ କରିବାସହ ଗୋରୁମାନଙ୍କୁ ଉଦ୍ଧାର କରି ଗ୍ରାମବାସୀଙ୍କୁ ଦେଖାରଖା ପାଇଁ ଦାଇତ୍ୱ ଦେବାସହ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛନ୍ତି l ତେବେ ଗାଡି ଚାଳକ ଓ ଗାଡ଼ିରେ ଥିବା ଅନ୍ୟ କେତେକ ବେପାରୀ ଘଟଣା ସ୍ଥଳରୁ ଫେରାର ହୋଈ ଯାଇଥିଵା ବେଳେ କଣ୍ଟେନର ମଧ୍ୟରୁ ଗୋଟିଏ ମୃତ ଗୋରୁ ମଧ୍ଯ ଉଦ୍ଧାର କରାଯାଇଥିବା ଜଣାପଡିଛି l