ବିଜେଡି ବିଧାୟକ ବ୍ୟୋମକେଶ ରାୟଙ୍କ ଇଙ୍ଗିତରେ କରାଯାଇଛି ଆକ୍ରମଣ
ଶାସକ ବିଜେଡି ପିପିଲିକୁ ଦ୍ୱିତୀୟ ନନ୍ଦିଗ୍ରାମ କରିବା ପାଇଁ ଷଡଯନ୍ତ୍ର କରୁଛି
ସରକାରୀ ଦଳ ଚାପରେ ପୋଲିସ ତା’ର କାର୍ଯ୍ୟ ସଠିକ୍ ଢଙ୍ଗରେ କରୁନାହିଁ
ଦୋଷୀଙ୍କୁ ଗିରଫ କରିବା ସହ ଶାନ୍ତିପୂର୍ଣ୍ଣଭାବେ କିପରି ନିର୍ବାଚନ ହେବ ସେ ଦିଗରେ କାର୍ଯ୍ୟ କରୁ ପୋଲିସ
ପ୍ରଶାସନ
ପୋଲିସ ପେଟ୍ରୋଲିଂକୁ ବ୍ୟାପକ କରାଯାଉ
ବୁଥ ସଭାପତି ସରୋଜ ସେଠୀଙ୍କୁ ୨୪ ଘଂଟିଆ ପୋଲିସ ସୁରକ୍ଷା ଯୋଗାଇ ଦିଆଯାଉ
ଭୁବନେଶ୍ୱର, ପିପିଲି-ଡେଲାଙ୍ଗ: ପିପିଲି ଉପନିର୍ବାଚନରେ ଶାସକ ବିଜେଡିକୁ ନିର୍ବାଚନ ପରାଜୟର
ଭୟ ଘାରିଛି । ପୂର୍ବରୁ ବିଭିନ୍ନ ଉପନିର୍ବାଚନକୁ ହାତେଇବା ପାଇଁ ବିଜେଡି ଗୁଣ୍ଡାମାନେ ଯେପରି ଲୋକଙ୍କ ଭିତରେ ଆତଙ୍କ ଖେଳାନ୍ତି
ଠିକ୍ ସମାନ ଢଙ୍ଗରେ ପିପିଲି ନିର୍ବାଚନମଣ୍ଡଳୀରେ ଆଜି ଶାସକ ଦଳର କର୍ମୀମାନେ ବିରୋଧୀଙ୍କୁ ମରଣାନ୍ତକ ଆକ୍ରମଣ କରିଛନ୍ତି ।
ବିଜେପି ମହିଳା ମୋର୍ଚ୍ଚା ରାଜ୍ୟ ସଂପାଦିକା ରଶ୍ମିରେଖା ଦାସ ଏବଂ ବୁଥ ସଭାପତି ସରୋଜ ସେଠୀଙ୍କୁ ବିଜେଡି କର୍ମୀ ଲିଙ୍ଗରାଜ ସ୍ୱାଇଁ
ଏବଂ ତାଙ୍କ ସହଯୋଗୀମାନେ ଆକ୍ରମଣ କରିବା ସହ ଏହି ଅଂଚଳ ଛାଡି ଯିବା ପାଇଁ ଧମକ ଦେଇଛନ୍ତି । ଏନେଇ ବିଜେପି ପକ୍ଷରୁ
ପିପିଲି ଥାନାରେ ଏତଲା ଦିଆଯାଇଛି ।
ସମଗ୍ର ରାଜ୍ୟରେ ଶାସକ ବିଜୁ ଜନତା ଦଳ କ୍ରମାଗତ ଭାବେ ହିଂସା ସୃଷ୍ଟି କରିବା ସହ ବିଜେପିର ନେତା ଓ କର୍ମୀମାନଙ୍କୁ
ଆକ୍ରମଣ କରୁଛନ୍ତି । ପିପିଲିରେ ୨୦୧୯ ସାଧାରଣ ନିର୍ବାଚନର ପୁନରାବୃତି ଦେଖିବାକୁ ମିଳିଛି । ବିଜେଡି ବିଧାୟକ ବ୍ୟୋମକେଶ
ରାୟ ଏବଂ ବିଜେଡି ନେତା ତନ୍ମୟ ସ୍ୱାଇଁଙ୍କ ଇଙ୍ଗିତରେ ବିଜେପି ନେତ୍ରୀ ଓ ବୁଥ ସଭାପତିଙ୍କୁ ଆକ୍ରମଣ କରାଯାଇଛି । ବିଗତ ୨/୩
ଦିନ ତଳେ ସହଜପୁର ପଂଚାୟତରେ ଗଣ୍ଡଗୋଳ ହେବା ପରେ ପୋଲିସ ତା’ର ପେଟ୍ରୋଲିଂକୁ ଜୋରଦାର କରିବା ନେଇ ପ୍ରତିଶୃତି
ଦେଇଥିଲା । କିନ୍ତୁ ଶାସକ ଦଳ ଚାପରେ ପୋଲିସ ତା’ର କାର୍ଯ୍ୟ ସଠିକ୍ ଢଙ୍ଗରେ କରୁନାହିଁ । ଶାସକ ବିଜେଡି ଏଠି ଦ୍ୱିତୀୟ ନନ୍ଦିଗ୍ରାମ
କରିବା ପାଇଁ ଷଡଯନ୍ତ୍ର କରୁଛି ଏବଂ ନିର୍ବାଚନ ହାରିବା ଭୟରେ ବିଜେଡି ରକ୍ତମୁଖା ସାଜିଛି ।
ବୁଥ ସଭାପତି ସରୋଜ ସେଠୀ ଜଣେ ହରିଜନ ଲୋକ ହୋଇଥିବାରୁ ଶାସକ ବିଜେଡିର କର୍ମୀମାନେ ତାଙ୍କୁ ଜାତିଆଣ
ଆକ୍ଷେପ କରିଥିବା ଯୋଗୁଁ ସେ ମାନସିକ ସ୍ତରରେ ବହୁତ ଆଘାତ ପାଇଛନ୍ତି । ଏ ଦିଗରେ ପୋଲିସ ପ୍ରଶାସନ ନିରପେକ୍ଷ ଭାବେ
ଘଟଣାର ତଦନ୍ତ କରି ଦୋଷୀଙ୍କୁ ଗିରଫ କରିବା ସହ ଶାନ୍ତିପୂର୍ଣ୍ଣଭାବେ କିପରି ନିର୍ବାଚନ ହେବ ସେ ଦିଗରେ କାର୍ଯ୍ୟ କରିବା ପାଇଁ
ବିଜେପି ଦାବୀ କରିଛି । ବିଶେଷ କରି ସହଜପୁର ପଂଚାୟତରେ ପୋଲିସ ପେଟ୍ରୋଲିଂକୁ ବ୍ୟାପକ କରାଯାଉ । ବିଜେପି ବୁଥ
ସଭାପତି ସରୋଜ ସେଠୀ ଓ ତାଙ୍କ ପରିବାରକୁ ୨୪ ଘଂଟିଆ ପୋଲିସ ସୁରକ୍ଷା ଯୋଗାଇ ଦିଆଯାଉ ବୋଲି ଦଳ ପକ୍ଷରୁ ଦାବି
କରାଯାଇଛି ।
ବିଜେଡିର ଆକ୍ରମଣ ନେଇ ଥାନାରେ ବିଜେପିର ଅଭିଯୋଗ
