ନୂଆଦିଲ୍ଲୀ: ତାମିଲନାଡୁରେ କରୋନା ଜନିତ ମାମଲା ଲଗାତର ଭାବରେ ବଢୁଛି । ତାଜା ସୂଚନା ଅନୁସାରେ, ଶନିବାର ପ୍ରଦେଶରେ ୨୦୮୯ କରୋନା ରୋଗୀ ଚିହ୍ନଟ ହୋଇଛନ୍ତି । ଯେତେବେଳେ କି ୯ ଜଣଙ୍କ ମୃତ୍ୟୁ ହୋଇଛି । ଗତ ଦିନ ତୁଳନାରେ ରାଜ୍ୟରେ ୫ ପ୍ରତିଶତ କରୋନା ମାମଲାରେ ବୃଦ୍ଧି ଦେଖା ଦେଇଛି । ସୂଚନା ମୁତାବକ, ଦେଶରେ ଏପର୍ଯ୍ୟନ୍ତ ୮୭୭୨୭୯ ଲୋକ କରୋନା ସଂକ୍ରମିତ ହୋଇସାରିଛନ୍ତି । ମୋଟ ୧୨୬୫୯ ଜଣଙ୍କ ପ୍ରାଣ ଯାଇଛି କରୋନାରେ । ଅନ୍ୟପଟେ ୮୫୨୪୬୩ ଜଣ ଚିକିତ୍ସା ପରେ ସୁସ୍ଥ ହୋଇ ଫେରିଛନ୍ତି ଏବଂ ୧୨୧୫୭ ଆକ୍ଟିଭ କେସ ଏବେ ରହିଛି ।
କେରଳରେ ବି କରୋନାର ପ୍ରକୋପ ବଢିବାରେ ଲାଗିଛି । ଶନିବାର ସେଠାରେ କରୋନା ଭାଇରସ ଦ୍ୱାରା ୨୦୫୫ ଜଣ ସଂକ୍ରମିତ ହୋଇଥିବା ନେଇ ସ୍ପଷ୍ଟ ହୋଇଛି । ଯାହା ମଧ୍ୟରେ ୨୫ ସ୍ୱାସ୍ଥ୍ୟ କର୍ମୀ ସାମିଲ ରହିଛନ୍ତି । ଏହାକୁ ମିଶାଇ ରାଜ୍ୟରେ ଏପର୍ଯ୍ୟନ୍ତ ୧୧୧୫୭୭୭ ଜଣ ସଂକ୍ରମିତ ହୋଇଛନ୍ତି । କେରଳ ସରକାର କହିଛନ୍ତି ଯେ, ରାଜ୍ୟରେ ଗତ ୨୪ ଘଣ୍ଟାରେ ୧୪ ଜଣଙ୍କ ମୃତ୍ୟୁ ହୋଇଛି । ଏହାସହ ରାଜ୍ୟରେ କରୋନା ଦ୍ୱାରା ଏଯାବତ ୪୫୬୭ ଜଣଙ୍କ ମୃତ୍ୟୁ ହୋଇଛି ।
କେରଳ ସମେତ ଅନେକ ରାଜ୍ୟରେ ବଢୁଛି କରୋନା ଗ୍ରାଫ
