ବଲିଉଡ ଅଭିନେତ୍ରୀ ତାରା ସୁତରିଆ କରୋନା ସଂକ୍ରମିତ

ମୁମ୍ବାଇ: ଅଭିନେତ୍ରୀ ତାରା ସୁତରିଆ ଏବେ କରୋନାର ଶିକାର ହୋଇଛନ୍ତି । ତେବେ ସେ ନିଜର ଆଗାମୀ ଫିଲ୍ମ ‘ତଡପ’ର ସୁଟିଂ ଶେଷ କରିସାରିଛନ୍ତି । ଫିଲ୍ମରେ ତାରାଙ୍କ ସହିତ ଅହମ ସେଟ୍ଟୀ ନଜର ଆସୁଛନ୍ତି । ଏହି ଫିଲ୍ମ ୨୪ ସେପ୍ଟେମ୍ବର ରେ ବଡ ପରଦାରେ ରିଲିଜ ହେବ । ଫିଲ୍ମରେ ତାଙ୍କ ଛଡା ଅହମ ସେଟ୍ଟୀ ବି ଅଛନ୍ତି । ନିର୍ଦ୍ଦେଶକ ମିଲନ ଲୁଥାରିଆଙ୍କ ଏହି ଫିଲ୍ମ ୨୪ ସେପ୍ଟେମ୍ବରରେ ରିଲିଜ ହେବାର ଅଛି । ତାରା କରୋନା ପଜିଟିଭ ଚିହ୍ନଟ ହେବା ପରେ ଏବେ ‘ତଡପ’ର କ୍ରୁ ସଦସ୍ୟ ମଧ୍ୟ କରୋନା ସଂକ୍ରମିତ ହେବାର ଆଶଙ୍କା ରହିଛି । ଗତ କିଛି ଦିନ ମଧ୍ୟରେ ବଲିଉଡରେ ଅନେକ ସିଲେବ୍ରିଟି କରୋନା ସଂକ୍ରମିତ ହୋଇଛନ୍ତି । କିଛି ଦିନ ପୂର୍ବରୁ ଆକ୍ଟର ରଣବୀର କପୁର, ମନୋଜ ବାଜପେୟୀ, ଆଶୀଷ ବିଦ୍ୟାର୍ଥୀ ମଧ୍ୟ କରୋନା ପଜିଟିଭ ଆସିଛନ୍ତି । ସମସ୍ତେ ଆଇସୋଲେସନରେ ରହିଥିବା ବେଳେ ସେମାନଙ୍କ ଚିକିତ୍ସା ଜାରି ରହିଛି ।