ବୌଦ୍ଧ : ବୌଦ୍ଧର ମନମୁଣ୍ଡା କଣ୍ଟାମାଳ ରାସ୍ତା ଗୋପାଳମାଳ ଛକଠାରେ ଠାରେ ଏକ ଦୁର୍ଘଟଣା ଘଟିଛି । ଏକ ଅଟୋକୁ ଧକ୍କା ଦେଇଛି ଡମ୍ଫର ଗାଡି । ଏହି ଦୁର୍ଘଟଣାରେ ଗୋଟିଏ ପରିବାରର ୩ ଜଣଙ୍କ ମୃତ୍ୟୁ ଘଟିଛି । ପରିବାରର ମା’ଙ୍କ ସହ ପୁଅ , ଝିଅଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛି । ଅଟୋଟିକୁ ଧକ୍କା ଦେବା ପରେ ରାସ୍ତା କଡ଼ରେ ପିଚୁ ବୋଝେଇ ହୋଇ ଯାଉ୍ଥିବା ଡମ୍ଫରଟି ଓଲଟି ଯାଇଛି ।
ଦୁର୍ଘଟଣା ଘଟିବା ପରେ ଘଟଣାସ୍ଥଳରୁ ଡମ୍ଫର ଡ୍ରାଇଭର ଫେରାର ହୋଇଯାଇଛି । ଘଟଣା ସ୍ଥଳରେ ପୋଲିସ ପହଞ୍ଚି ମୃତକ ମାନଙ୍କୁ ଚିହ୍ନଟ କରିବା ସହିତ ଗୁରୁତର ବ୍ୟକ୍ତି ଜଣଙ୍କୁ ମେଡିକାଲ ପଠାଇଛି । ଏହାସହ ଡ୍ରାଇଭର ନାଁରେ ଏକ ମାମଲା ରୁଜୁ କରି ତାକୁ ଖୋଜିବାରେ ଲାଗିଛି ପୋଲିସ ।
