ଯାଜପୁର ରୋଡ୍ ରେଳଷ୍ଟେସନରେ ଏକ ଅଭାବନୀୟ ଘଟଣା

ଯାଜପୁର : ଯାଜପୁର ରୋଡ୍ ରେଳଷ୍ଟେସନର ୨ନଂ ପ୍ଲାଟଫର୍ମରେ ଘଟିଛି ଏକ ଅଭାବନୀୟ ଘଟଣା । ପ୍ଲାଟଫର୍ମରେ ଗୋଡ ଖସିଯିବାରୁ ମାଲବାହୀ ଟ୍ରେନରେ ଧକ୍କା ଖାଇ ଜଣେ ଦିବ୍ୟଙ୍ଗ ଯୁବକର ଦୁଇଗୋଡ କଟିଗଲା । ଆମ୍ବୁଲାନ୍ସ ଆସିବାର ବିଳମ୍ବ ହେବାରୁ ସ୍ଥାନୀୟ ଲୋକଙ୍କ ଦ୍ବାରା ଯୁବକଙ୍କୁ ଏଭଳି ଗୁରୁତର ଅବସ୍ଥାରେ ଉଦ୍ଧାର କରି ଏକ ଟ୍ରଲି ଯୋଗେ ଯାଜପୁର ରୋଡ ମେଡିକାଲକୁ ଅଣାଗଲା । ଗୁରୁତର ଯୁବକ ଜଣକ କେଉଁଝର ଜିଲ୍ଲା ରାମଚନ୍ଦ୍ରପୁର ଥାନା ତରୁଆଁ ଗାଁର ଦିବ୍ୟଙ୍ଗ ଅର୍ଜ୍ଜୁନ ଭଞ୍ଜ ବୋଲି ଜଣାପଡିଛି । ଅର୍ଜୁନ ଦିବ୍ୟଙ୍ଗ ମାନସିକ ଅସୁସ୍ଥ ଥିବା କାରଣରୁ ତାର ସାନଭାଇ ତାକୁ ଚିକିତ୍ସା ପାଇଁ କଟକ ନେଉଥିଲେ । ମାତ୍ର ଦିବ୍ୟଙ୍ଗ ଅର୍ଜୁନ ଗୋଟିଏ ପ୍ଲାଟଫର୍ମରୁ ଓହ୍ଲାଇ ଆଉଏକ ପ୍ଲାଟଫର୍ମକୁ ଯିବାକୁ ଉଦ୍ୟମ କରୁଥିବା ବେଳେ ଏହି ଦୁର୍ଘଟଣା ଘଟିଥିଲା । ଯାଜପୁର ରୋଡ୍ ମେଡିକାଲରେ ପ୍ରାଥମିକ ଚିକିତ୍ସା ପରେ କଟକ ବଡ ଡାକ୍ତରଖାନାକୁ ଚିକିତ୍ସା ପାଇଁ ସ୍ଥାନାନ୍ତର କରାଯାଇଥିଲା । ସେଠାରେ ତାଙ୍କର କିଛି ସମୟପରେ ଡାକ୍ତର ଦିବ୍ୟଙ୍ଗ ଅର୍ଜୁନ ଭଞକୁ ମୃତ୍ୟୁ ଘୋଷଣା କରିଥିଲେ ।