ଭାସିଗଲା ୨ ଟ୍ରକ, ୧ କାର:୨ ମୃତ

ଭୁବନେଶ୍ୱର: ପ୍ରବଳ ବର୍ଷା ଜନିତ ବନ୍ୟା ଜଳରେ ଭାସିଯାଇଛି ୨ଟି ଟ୍ରକ ଏବଂ ଗୋଟିଏ କାର । ୨ଟି ଟ୍ରକ ଓ ଗୋଟିଏ କାର୍ ଭାସିଯିବା ସହ ୨ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ପ୍ରଥମେ କରଂଜିଆରେ ବନ୍ୟା ପାଣିରେ ଟ୍ରକଟି ଭାସିଯାଇଥିବା ବେଳେ ଡ୍ରାଇଭର ଜଣକ ମୃତ୍ୟୁବରଣ କରିଛନ୍ତି । ଚଢେଇଭଳ ବୈତରଣୀ ନଦୀ ପାଖ ଏକ କଲଭର୍ଟରୁ ଟ୍ରକଟି ଭାସିଯାଇଛି । କଲଭର୍ଟ ଉପରେ ପାଣି ଚାଲୁଥିବା ବେଳେ ଟ୍ରକ ନେଇ ଯିବାରୁ ଏମିତି ଅଘଟଣ ଘଟିଛି । ସେହିଭଳି କେନ୍ଦୁଝରରେ ପ୍ରବଳ ପାଣିି ସୁଅରେ ଏକ ଧାନ ବୋଝେଇ ଟ୍ରକଟି ଭାସିଯାଇଛି । କେନ୍ଦୁଝର ପାଟଣା ଥାନା ସ୍ୱାମପାଟଣା ନିକଟରେ ଟ୍ରକଟି ଭାସିଯାଇଛି । ଟ୍ରକଟି ଭାସିଯାଇଥିଲେ ବି ଡ୍ରାଇଭରକୁ ସ୍ଥାନୀୟ ଲୋକେ ଉଦ୍ଧାର କରିଛନ୍ତି । ଆନନ୍ଦପୁର ଜଂଜାଳି ନିକଟ ଏକ ନାଳରେ ଗୋଟିଏ କାର୍ ଭାସିଯାଇଛି । ଲଗାଣ ବର୍ଷାରେ ପ୍ରବଳ ପାଣି ଯୋଗୁଁ ନାଳରେ କାରଟି ଭାସିଯାଇଥିଲା । ନିକଟ ବୁଦାରେ ଜଣେ ବ୍ୟକ୍ତିଙ୍କ ମୃତଦେହ ଠାବ କରିଥିଲେ ଲୋକେ ।