ଭୁବନେଶ୍ବର : କରୋନା ଭୂତାଣୁ ସଂକ୍ରମଣ ଦୃଷ୍ଟିରେ ରଖି କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସଇ) ପରିଚାଳିତ ୧୦ମ ଓ ଦ୍ୱାଦଶ ପରୀକ୍ଷାକୁ ମାର୍ଚ୍ଚ ୩୧ ପର୍ଯ୍ୟନ୍ତ ସ୍ଥଗିତ ରଖାଯାଇଛି। ମାର୍ଚ୍ଚ ୩୧ ପରେ ପରିସ୍ଥିତିକୁ ଦେଖି ପରୀକ୍ଷା କାର୍ଯ୍ୟସୂଚୀ ପୁନର୍ବାର ଧାର୍ଯ୍ୟ କରାଯିବ ବୋଲି ବୋର୍ଡ ସମ୍ପାଦକ ଅନୁରାଗ ତ୍ରିପାଠୀ କହିଛନ୍ତି। ପରୀକ୍ଷା ସହିତ ପରୀକ୍ଷା ଖାତା ମୂଲ୍ୟାୟନ କାର୍ଯ୍ୟ ମଧ୍ୟ ସ୍ଥଗିତ ରଖାଯାଇଥିବା ସମ୍ପାଦକ କହିଛନ୍ତି। ମାନବ ସମ୍ବଳ ବିକାଶ ମନ୍ତ୍ରଣାଳୟର ନିର୍ଦେଶକ୍ରମେ ସିବିଏସଇ ଏହାର ସମସ୍ତ ପରୀକ୍ଷାକୁ ସ୍ଥଗିତ ରଖିଛି। କରୋନା ସଂକ୍ରମଣ ପାଇଁ ମାନବ ସମ୍ବଳ ବିକାଶ ମନ୍ତ୍ରଣାଳୟ ସିବିଏସଇ ଓ ଅନ୍ୟ ସମସ୍ତ ଶିକ୍ଷାନୁଷ୍ଠାନକୁ ପରୀକ୍ଷା ବନ୍ଦ ଲାଗି ନିର୍ଦେଶ ଦେଇଥିଲା। ଦେଶ ବାହାରେ ସିବିଏସଇ ପରିଚାଳିତ ପରୀକ୍ଷାକୁ ମଧ୍ୟ ସ୍ଥଗିତ ରଖାଯାଇଛି। ଆଇଆଇଟି ଜେଇଇ, ନ୍ୟାସନାଲ ଓପନ ଇନିଷ୍ଟିଚ୍ୟୁଟ ଅଫ ଓପନ ଷ୍ଟଡିଜ୍ (ଏନଆଇଓଏସ୍) ପରୀକ୍ଷାକୁ ମଧ୍ୟ ସ୍ଥଗିତ ରଖାଯାଇଛି।