ଭୁବନେଶ୍ୱର : ଆଜିକାଲି କେଶ ଝଡ଼ିବା ସମସ୍ୟାକୁ ନେଇ ସମସ୍ତେ ଚିନ୍ତିତ। ଖାଲି ମହିଳାମାନଙ୍କ ପାଇଁ ନୁଁହେ ପୁରୁଷ ମାନଙ୍କ ପାଇଁ ଏହା ମୁଣ୍ଡବ୍ୟଥାର କାରଣ ପାଲଟିଛି। ଏହା ବ୍ୟତୀତ କେଶ ଧଳା ହେବା ଓ ଦୋମୁହାଁ ହେବା ଆଦି ସମସ୍ୟା ମଧ୍ୟ ଦେଖାଦେଉଛି। ପରିବର୍ତ୍ତିତ ଜୀବନଶୈଳୀ, ପ୍ରଦୂଷଣ ଓ ଖାଦ୍ୟପେୟରେ ଅନିୟମିତତା ଆଦି ଏହାର ମୁଖ୍ୟ କାରଣ। ଏସବୁ ସମସ୍ୟା ବୟସ୍କ ବ୍ୟକ୍ତିଙ୍କଠାରୁ ଆରମ୍ଭ କରି କମ୍ ବୟସର ପିଲାମାନଙ୍କ କ୍ଷେତ୍ରରେ ମଧ୍ୟରେ ଦେଖିବାକୁ ମିଳୁଛି। ଫଳରେ ଚନ୍ଦାପଣ ଭଳି ସମସ୍ୟା ଦେଖାଯାଉଛି। ଏପରି କିଛି ଘରୋଇ ଉପାୟ ଅଛି, ଯାହା ଏହି ସମସ୍ୟାରୁ ମୁକ୍ତିଦେବା ପାଇଁ ସହାୟକ ହେବ। ଆସନ୍ତୁ ଜାଣିବା ସେହି ସବୁ ଉପାୟ ବିଷୟରେ ।
ମେଥି ଗୁଣ୍ଡ : ସମସ୍ତେ ମେଥି କୁ ଖାଦ୍ୟ ରେ ପକେଇବାରେ ଜାଣିଥିବେ । କିନ୍ତୁ ଏହା କେଶ ପାଇଁ ଖୁବ ଉପକାରୀ ଅଟେ କେହି କେହି କେଶ କୁ ଘନ କଳା କରିବା ପାଇଁ ନଡ଼ିଆ ତେଲ ରେ ପକାଇ ଲଗାଇଥାନ୍ତି ।ମେଥି ଗୁଣ୍ଡକୁ ଗୋଳାଇ ଲଗାଇ କିଛି ସମୟ ପରେ ଧୋଇଦିଅନ୍ତୁ କେଶ ସୀଲକ ହେବ ସହ କଳା ହୋଇଥାଏ । ଏହା କେଶ ପାଇଁ ଖୁବ ଉପକାରୀ ଅଟେ ।
ପିଆଜ ରସ: ପିଆଜ ରସ କେଶ ପାଇଁ ଖୁବ୍ ଉପକାରୀ। ଗୋଟିଏ କିମ୍ବା ଦୁଇଟି ପିଆଜ ପେଷ୍ଟ କରି ସେଥିରୁ ବାହାରି ଥିବା ରସକୁ ମୁଣ୍ଡରେ ଲଗାନ୍ତୁ। ଏହାକୁ ଲଗାଇବାର ୨ ଘଣ୍ଟା ପରେ କେଶ ଧୋଇ ଦିଅନ୍ତୁ। ୨ କିମ୍ବା ୩ ସପ୍ତାହ ଏଭଳି ଲଗାଇବା ପରେ କେଶ ଝଡ଼ିବା କମ୍ ହେବ।
ନିମ, ଘିକୁଆଁରୀ: ଏହାର ମିଶ୍ରଣ କେଶରେ ଲଗାଇବା ଫଳରେ କେବଳ କେଶ ଝଡ଼ିବା ସମସ୍ୟା ଦୂର ହୋଇ ନ ଥାଏ ବରଂ ଦୋମୁହାଁ କେଶ ଭଳି ସମସ୍ୟା ମଧ୍ୟ ଦୂର ହୋଇଥାଏ। ଏହା ସହିତ କେଶ ମଜଭୁତ ଓ ଚମକପ୍ରଦ ହୋଇଥାଏ।
ଗ୍ରୀନ୍ ଟି: ଏଥିରେ ଭରପୁର ମାତ୍ରାରେ ଆଣ୍ଟି ଅକ୍ସିଡାଣ୍ଟ ରହିଥାଏ। ଏହା କେଶ ଝଡ଼ିବାକୁ ରୋକିଥାଏ। ପ୍ରଥମେ ଗ୍ରୀନ୍ ଟିକୁ ପାଣିରେ ମିଶାଇ କେଶରେ ଲଗାନ୍ତୁ। ଲଗାଇବାର ୧ ଘଣ୍ଟା ପରେ କେଶ ଧୁଅନ୍ତୁ। ଦେଖିବେ କେଶ ଝଡ଼ିବା ସମସ୍ୟା ଦୂର ହେବ।
ତେଲ ମାଲିସ: ଅନେକ ସମୟରେ କେଶରେ ତେଲ ମାଲିସ କରିବା ଫଳରେ ଏହି ସମସ୍ୟା ଦୂର ହୋଇଥାଏ। ନଡ଼ିଆ, ଅଲିଭ ଆଦି ତେଲ ମୁଣ୍ଡରେ ଭଲଭାବେ ମାଲିସ କରନ୍ତୁ। ମାଲିସ ପୂର୍ବରୁ ଏହାକୁ ଅଳ୍ପ ଗରମ କରିବା ଲାଭଦାୟକ ହୋଇଥାଏ। ନିହାତି ସପ୍ତାହକୁ ଥରେ କେଶରେ ତେଲ ଲଗାନ୍ତୁ ।କେଶର ମୂଳକୁ ମଜଭୁତ ରଖିବା ସହ ମୁଣ୍ଡ ବିନ୍ଧା ବି କମ କରିଥାଏ ।ପ୍ରତି ସପ୍ତାହରେ ଥରେ କେଶ ସଫା ନିହାତି କରନ୍ତୁ ।
କେଶ ଝଡ଼ିବା କୁ ନେଇ ଚିନ୍ତିତକି ଆପଣାନ୍ତୁ ଏହି ଉପାୟ …
