ମଲଙ୍ଗ : ଇଣ୍ଡୋନେସିଆର ପ୍ରମୁଖ ଦ୍ୱୀପ ଜାଭାରେ ହୋଇଥିବା ଭୂମିକମ୍ପ ରେ ୮ ଜଣଙ୍କ ମୃତ୍ୟୁ ହୋଇଛି ଓ ୧୨ ଜଣ ଗୁରୁତର ଅଛନ୍ତି । ଅଧିକାରୀଙ୍କ ଦ୍ୱାରା ଦିଆଯାଇଥିବା ରିପୋର୍ଟ ଅନୁସାରେ ଏହି ଭୂମିକମ୍ପରେ ୩୦୦ ରୁ ଅଧିକ ଘର କ୍ଷତିଗ୍ରସ୍ତ ହୋଇଛି । ଏହି ଭୂମିକମ୍ପ ଇଣ୍ଡୋନେସିଆର ପର୍ଯ୍ୟଟନ ସ୍ଥଳୀ ବାଲିରେ ମଧ୍ୟ ଅନୂଭୁତ ହୋଇଛି କିନ୍ତୁ ଏଠାରେ ସୁନାମିର କୌଣସି ସୂଚନା ଜାରି କରାଯାଇନାହିଁ । ଆମେରିକ ଭୂଗର୍ଭ ସର୍ବେକ୍ଷଣର ରିପୋର୍ଟ ଅନୁଯାୟୀ ଦିନ ୨ ଟା ସମୟରେ ଏହି ଭୂକମ୍ପ ଅନୁଭୂତ ହୋଇଥିଲା ଏହାର ତୀବ୍ରତା ୬.୦ ମପାଯାଇଛି ।
ଇଣ୍ଡୋନେସିଆର ଭୂକମ୍ପ ଏବଂ ସୁନାମି କେନ୍ଦ୍ରର ମୁଖ୍ୟ ରେହମାତ୍ ଟ୍ରିଓନୋ ଏକ ବିବୃତ୍ତିରେ କହିଛନ୍ତି ଯେ ଭୂକମ୍ପର କେନ୍ଦ୍ରସ୍ଥଳ ସମୁଦ୍ର ମଧ୍ୟରେ ଅବସ୍ଥିତ, କିନ୍ତୁ ଏହାର କମ୍ପନ ସୁନାମି ସୃଷ୍ଟି କରିବାର କ୍ଷମତା ନାହିଁ । ଏହା ସତ୍ତ୍ୱେ ସେ ଲୋକମାନଙ୍କୁ ଏପରି ମାଟି କିମ୍ବା ପଥରଠାରୁ ଦୂରରେ ରହିବାକୁ ଅନୁରୋଧ କରାଯାଇଛି । କାରଣ ଏଠାରେ ଭୂସ୍ଖଳନ ହେବାର ଆଶଙ୍କା ରହିଛି । ଗତ ସପ୍ତାହରେ ଇଣ୍ଡୋନେସିଆରେ ଏହା ହେଉଛି ଦ୍ୱିତୀୟ ସାଂଘାତିକ ବିପର୍ୟ୍ୟୟ। ଏଥିରେ ୪୮ ଜଣ ନିଖୋଜ ଅଛନ୍ତି ।
