ନୂଆଦିଲ୍ଲୀ: ୨୫ ବର୍ଷର ଲିଭ୍-ଇନ୍-ରିଲେସନସିପ୍ରେ ପଡିଲା ପୂର୍ଣ୍ଣଛେଦ । ୫୪ ବର୍ଷିୟା ପ୍ରେମିକାଙ୍କୁ ଏସିଡ୍ ଆକ୍ରମଣ କରି ହତ୍ୟାକଲେ ୬୨ ବର୍ଷିୟ ପ୍ରେମିକ । ମୁମ୍ବାଇର ଗୁରୁଗାଓଁରେ ଏଭଳି ସ୍ପର୍ଶକାତର ଘଟଣା ଘଟିଛି । ପ୍ରେମିକଙ୍କ ଦ୍ୱାରା ଏସିଡ୍ ଆକ୍ରମଣ ହେବାର ଦୁଇ ସପ୍ତାହ ମଧ୍ୟରେ ଚିକିତ୍ସାଧିନ ଅବସ୍ଥାରେ ପ୍ରେମିକାଙ୍କ ମୃତ୍ୟୁ ଘଟିଛି । ପୋଲିସର ସୂଚନାନୁସାରେ, ମହିଳାଙ୍କୁ ଡାକ୍ତରଖାନାରେ ଭର୍ତ୍ତି କରାଯିବା ସମୟରେ ତାଙ୍କ ଦେହର ୫୦% ପୋଡି ଯାଇଥିଲା । ସୂଚନା ମୁତାବକ ଜାନୁଆରୀ ମାସରେ, ମହେଶ ପୂଜାରୀ ନାମକ ଜଣେ ବ୍ୟକ୍ତି ନିଜ ୫୪ ବର୍ଷୀୟ ଲିଭ-ଇନ୍ ପାର୍ଟନରଙ୍କୁ ଏସିଡ୍ ଆକ୍ରମଣ କରିଥିବାର ଅଭିଯୋଗ ହୋଇଥିଲା ।
ପୋଲିସର ସୂଚନା ଅନୁସାରେ ଗତ ୨୫ ବର୍ଷ ଧରି ଦୁହେଁ ଏକ ଲିଭ-ଇନ୍ ରିଲେସନସିପ୍ରେ ଥିଲେ, କିନ୍ତୁ ଏବେ ବଭିନ୍ନ ସମୟରେ ଉଭୟଙ୍କ ମଧ୍ୟରେ ବାରମ୍ବାର ବିବାଦ ଦେଖାଦେଇଥିଲା । ଏପରିକି ମହିଳା ଜଣକ ମହେଶଙ୍କୁ ତାଙ୍କ ଘର ଛାଡ଼ିବାକୁ ଚାପ ପକାଉଥିଲେ । ଫଳରେ ସେ ତାଙ୍କ ଘର ବାହାରେ ରହିବାକୁ ବାଧ୍ୟ ହୋଇଥିଲେ । ଆଉ ଏଥିରେ କ୍ରୋଧିତ ହୋଇ ମହେଶ ତାଙ୍କ ପ୍ରେମିକାଙ୍କ ଉପରେ ଏସିଡ୍ ଆକ୍ରମଣ କରିଥିଲେ । ଏହି ମାମଲାରେ ପୋଲିସ ମହେଶଙ୍କୁ ଗତ ମାସରେ ଗିରଫ କରିଥିଲା । ଏବେ ତାଙ୍କ ଉପରେ ହତ୍ୟା ମାମଲା ଯୋଡି ଦିଆଯାଇଛି । ଧାରା ୩୦୨ରେ ତଦନ୍ତ ପ୍ରକ୍ରିୟା ଚାଲିଛି ।
