ଭୁବନେଶ୍ୱର: ଚିତ୍ତଜ୍ଞାନୀ ଚାରିଟେବୁଲ ଟ୍ରଷ୍ଟ, କଟକ ର ୩୫ତମ ମେଗା ସ୍ୱାସ୍ଥ୍ୟ ଶିବିର ଦେଓଗଡ ଜିଲ୍ଲାର ରିଆମାଲ କଲେଜରେ ଅନୁଷ୍ଠିତ ହୋଇଯାଇଛି । ଆଇଏଏସ ଶ୍ରୀ ସୁଧାଂଷୁ ସାମଲ, ଏସପି ମହନ୍ତ ଓ ସିଡିଏମ ଆଣ୍ଡ ପିଏଚଓ ଡକ୍ଟର ଉପାଧ୍ୟାୟ ଉପସ୍ଥିତ ରହିଥିଲେ । ୧୫୦୬ ଗରିବ ରୋଗୀଙ୍କ ସ୍ୱାସ୍ଥ୍ୟ ପରୀକ୍ଷା ୩୧ ସ୍ପେଷ୍ଟାଲିଷ୍ଟ ଓ ସୁପରସ୍ପେଶାଲିଷ୍ଟଙ୍କ ଦ୍ୱାରା ପରୀକ୍ଷା କରାଯାଇଥିଲା । ସେମାନଙ୍କର ରକ୍ତ, ପରିସ୍ରା, ଇସିଜି, ଏକ୍ସରେ, ଅପର ଜିଆଇ ଏଣ୍ଡୋସ୍କୋପି ଆଜି ପରୀକ୍ଷା କରାଯିବା ପରେ ସେମାନଙ୍କୁ ମେଡିସିନ ଏବଂ ଖାଦ୍ୟ ମଧ୍ୟ ପ୍ରଦାନ କରାଯାଇଥିଲା । ଆଖି ରୋଗୀଙ୍କୁ ଆକି ପରୀକ୍ଷା ପରେ ୨୪୬ ଆଖି ଚଷମା ପ୍ରଦାନ କରାଯାଇଥିଲା । ଡେଣ୍ଟାଲ ଟିମ୍ ମାଇନର ଓରାଲ ସର୍ଜରୀ ମଧ୍ୟ କରିଥିଲେ । ଟ୍ରଷ୍ଟର ପରାମର୍ଶଦାତା ଓ କଟକ ଏସସିବି ମେଡିକାଲ କଲେଜର ଡିନ୍ ଆଣ୍ଡ ପ୍ରିନ୍ସିପାଲ୍ ପ୍ରଫେସର ଦତ୍ତେଶ୍ୱର ହୋତାଙ୍କ ଦ୍ୱାରା ପରିଚାଳିତ ହୋଇଥିଲା । ଅତ୍ୟାଧୁନିକ ସ୍ୱାସ୍ଥ୍ୟସେବାରୁ ବଂଚିତ ରୋଗୀଙ୍କୁ ସେବା ଯୋଗାଇବା ଏହି ଟ୍ରଷ୍ଟର ଲକ୍ଷ୍ୟ ହୋଇଥିବା ବେଳେ ୨୭ ଜିଲ୍ଲାକୁ ଏଭଳି ସେବା ପ୍ରଦାନ କରାଯାଇଛି ।
