32.1 C
Bhubaneswar
Sunday, May 26, 2024
Homeଦେଶ ବିଦେଶଦୁର୍ଘଟଣାରେ ଚାଲିଗଲା ୩ ଭାଇଭଉଣୀଙ୍କ ଜୀବନ

ଦୁର୍ଘଟଣାରେ ଚାଲିଗଲା ୩ ଭାଇଭଉଣୀଙ୍କ ଜୀବନ

ନୂଆଦିଲ୍ଲୀ : ଗ୍ରେଟର ନୋଏଡାରେ ଘଟିଯାଇଛି ଏକ ଅଭାବନୀୟ ଘଟଣା। ଦ୍ରୁତ ଗତିରେ ଆସୁଥିବା ଏକ କାର ଏକ ବାଇକକୁ ଧକ୍କା ଦେବା ପରେ ଗୋଟିଏ ପରିବାରର ତିନି ଜଣଙ୍କର ଦୁର୍ଘଟଣାରେ ମୃତ୍ୟୁ ଘଟିଛି। ବାଇକ୍‌ରେ ଥିବା ଅନ୍ୟ ଜଣେ ମହିଳା ମଧ୍ୟ ଗୁରୁତର ଆହତ ହୋଇଛନ୍ତି।
ଗ୍ରେଟର ନୋଏଡାର ବ୍ୟସ୍ତବହୁଳ କ୍ରସିଂ ପରୀ ଛକ ନିକଟରେ ମଧ୍ୟରାତ୍ରି ପରେ ଏହି ଘଟଣା ଘଟିଥିଲା। ଭଉଣୀମାନଙ୍କ ସହ ଏକ ବିବାହ ଉତ୍ସବରେ ଯୋଗଦେବା ପରେ ସୁରେନ୍ଦ୍ର ନାମକ ଯୁବକ ବାଇକ ଯୋଗେ ଘରକୁ ଫେରୁଥିଲେ। ପରି ଛକ ନିକଟରେ ସୁରେନ୍ଦ୍ର ନିୟନ୍ତ୍ରଣ ହରାଇ ଏକ ସ୍ପିଡ୍ ବ୍ରେକରକୁ ଧକ୍କା ଦେଇଥିଲେ। ସେହି ସମୟରେ ତାଙ୍କ ଗାଡ଼ିରେ ଭଉଣୀ ସାଇଲି, ଆନ୍‌ସୁ ଓ ତାଙ୍କର ଜଣେ ବନ୍ଧୁ ମଧ୍ୟ ଥିଲେ। ଏହି ସମୟରେ ଏକ ଦ୍ରୁତ ଗତିରେ ଆସୁଥିବା କାର ମୋଟରସାଇକେଲକୁ ଧକ୍କା ଦେଇ ସେଠାରୁ ଚାଲି ଯାଇଥିଲା। ସେତେବେଳେ ରାତି ପ୍ରାୟ ୨ଟା ସମୟ ହୋଇଥାଏ। ଦୁର୍ଘଟଣାର ଶିକାର ହୋଇଥିବା ଯୁବକ  ଏବଂ ତାଙ୍କ ଭଉଣୀମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ସେ ଦୁହିଁଙ୍କୁ ମୃତ ଘୋଷଣା କରାଯାଇଥିଲା।
ନୋଏଡାର କୁଲେସରାଙ୍କ ବାସଭବନଠାରୁ ପ୍ରାୟ ୧୭ କିଲୋମିଟର ଦୂରରେ ଥିବା କସନାରୁ ସେମାନେ ଫେରୁଥିଲେ ବୋଲି ପୁଲିସ କହିଛି।
ପୁଲିସ କହିଛି ଯେ ଦ୍ରୁତ ଗତିରେ ଆସୁଥିବା କାରଟି ମୋଟରସାଇକେଲକୁ ଧକ୍କା ଦେବା ପରେ ତାହା ଉପରେ ଚଢ଼ି ଯାଇଥିଲା। ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ରାସ୍ତାରେ ପଡ଼ିଥିବା ବେଳେ ଉଦ୍ଧାର କରିଥିଲା।
ବାଇକକୁ ଧକ୍କା ଦେଇଥିବା ଗାଡିଟିକୁ ପୁଲିସ ଏପର‌୍ୟ୍ୟନ୍ତ ଚିହ୍ନଟ କରିପାରି ନାହିଁ । ଗାଡ଼ି ଖୋଜିବା ପାଇଁ ସିସିଟିଭି କ୍ୟାମେରାରୁ ଫୁଟେଜ ସ୍କାନ କରାଯାଉଛି। ଏପର‌୍ୟ୍ୟନ୍ତ କୌଣସି ଗିରଫଦାରୀ ହୋଇନାହିଁ।

LEAVE A REPLY

Please enter your comment!
Please enter your name here

5,005FansLike
2,475FollowersFollow
12,700SubscribersSubscribe

Most Popular

HOT NEWS

Breaking