ଚଣ୍ଡିଗଡ଼ : ପଞ୍ଜାବର ଫଜିଲ୍କା ଜିଲ୍ଲା ଅନ୍ତର୍ଗତ ଆନ୍ତର୍ଜାତିକ ସୀମାରୁ ୨୫ କିଲୋ ହେରୋଇନ ଜବତ କରାଯାଇଛି । ମଙ୍ଗଳବାର ବିଳମ୍ବିତ ରାତିରେ ତାରବାଡ ଦିଆଯାଇଥିବା ସୀମାର ଉଭୟପାଶ୍ୱର୍ରେ କେତେକ ଲୋକ ସନ୍ଦିଗ୍ଧ ଅବସ୍ଥାରେ ଚଳ ପ୍ରଚଳ କରୁଥିବାବେଳେ ବିଏସଏଫ ଯବାନ ସେମାନଙ୍କ ଉପରକୁ ଗୁଳି ଚଳାଇଥିଲେ । ଫଳରେ ପାକିସ୍ତାନ ପଟୁ ଆସିଥିବା ନିଶାବେପାରୀମାନେ ପ୍ୟାକେଟ ଫୋପାଡି ଫେରିଯାଇଥିଲେ । ହେରୋଇନ୍ ଥିବା ୨୫ଟି ପ୍ୟାକେଟକୁ ଏକ ପିଭିସି ପାଇପ୍ରେ ଭର୍ତ୍ତି କରାଯାଇଥିଲା ।
୫ କୋଟିର ଡ୍ରଗ୍ସ ଜବତ, ବିଦେଶିନୀ ଗିରଫ
ଚେନ୍ନାଇ : ବହିଃଶୁଳ୍କ ଅଧିକାରୀମାନେ ମଙ୍ଗଳବାର ସନ୍ଧାନୀ କୁକୁର ସହାୟତାରେ ଚେନ୍ନାଇ ଏୟାରପୋର୍ଟରେ ଉଗାଣ୍ଡାରୁ ଆସିଥିବା ଜଣେ ମହିଳାଙ୍କୁ ଗିରଫ କରିବା ସହ ତାଙ୍କ ନିକଟରୁ ୫.୩ କୋଟି ଟଙ୍କାର ଡ୍ରଗ୍ସ ଜବତ କରିଛନ୍ତି । ଜବତ ଡ୍ରଗ୍ସ ମଧ୍ୟରେ ୬୪୪ ଗ୍ରାମ ହେରୋଇନ୍ ଓ ୧୫୦୦ ଗ୍ରାମ ମିଥାକ୍ୱାଲୋନ୍ ଅନ୍ତର୍ଭୁକ୍ତ । ମହିଳା ଯାତ୍ରୀଜଣକ ଗତ ୧୮ରେ ଆଡିସ୍ ଆବାବାରୁ ବିମାନରେ ଏଠାକୁ ଆସିଥିଲେ ।
