ତାମିଲନାଡ଼ୁ ଯାଉଥିବା ୨୪ ଦାଦନ ଶ୍ରମିକ ଉଦ୍ଧାର

ଢେଙ୍କାନାଳ : ଢେଙ୍କାନାଳ ଓ ଅନୁଗୁଳ ଜିଲ୍ଲାର ବିଭିନ୍ନ ଅଞ୍ଚଳରୁ  ଏକ ବସଯୋଗେ ତାମିଲନାଡୁକୁ  ଦାଦନ ଖଟିବାକୁ ଯାଉଥିବା ୨୪ ଜଣ ଶ୍ରମିକଙ୍କୁ  ସଦର ଥାନା ଅନ୍ତର୍ଗତ କାମାକ୍ଷା ଛକ ନିକଟରୁ  ଉଦ୍ଧାର କରାଯାଇଛି । ଦଲାଲ୍‌ମାନଙ୍କ ସହିତ ସମ୍ପୃକ୍ତ ଶ୍ରମିକମାନଙ୍କୁ  ଧରି ପୁଲିସ ଶ୍ରମ କାର୍ଯ୍ୟାଳୟକୁ ଆଣିଥିବା ଜଣାଯାଇଛି ।  ତାମିଲିନାଡୁରେ ଯୁବକମାନଙ୍କୁ ବିନା ପଞ୍ଜିକରଣରେ ପଠାଯାଉଥିବା ଜାଣିବା ପରେ ତାଙ୍କୁ ନେଇ ଯାଉଥିବା ବସ୍ କଣ୍ଡକ୍ଟର ଓ ସରପଞ୍ଚଙ୍କୁ ନୋଟିସ୍ ପଠାଯାଇଥିବା ଶ୍ରମ ଅଧିକାରୀ ସୂଚନା ଦେଇଛନ୍ତି । ତଦନ୍ତ ପରେ ୨୪ଜଣ ଯୁବକଙ୍କୁ ତାଙ୍କ ନିଜ ଗ୍ରାମକୁ ପଠାଇ ଦିଯାଯାଇଛି । ଉଦ୍ଧାର ଯୁବକମାନେ କଙ୍କଡ଼ାହାଡ଼ ବ୍ଲକ କେରଜୁଳି, ପରଜଙ୍ଗ ଥାନା ବାରିହାପୁର ଗ୍ରାମ ଓ କେନ୍ଦୁଝର ଜିଲ୍ଲାର ତେଲକୋଇ ଓ ଅନୁଗୁଳ  ଜିଲ୍ଲା ପାଲଲହଡା ଅଞ୍ଚଳର  ବୋଲି ଜଣାପଡିଛି । ଏହି ଶ୍ରମିକମାନଙ୍କୁ ନେଇ ଯାଉଥିବା କେନ୍ଦୁଝର ଜିଲ୍ଲା ତେଲକୋଇ ବ୍ଲକ କନ୍ତୁରେଇ ଅଞ୍ଚଳର ସଞ୍ଚୟ ସାହୁକୁ  ଅଟକ ରଖି ପଚରାଉଚରା କରାଯାଉଛି । ସଞ୍ଜୟ  ତାମିଲନାଡୁର ଏକ ଶିଶୁ ଖାଦ୍ୟ ତିଆରି କାରଖାନରେ  କାର୍ଯ୍ୟକରିବାକୁ   ସମ୍ପୃକ୍ତ ଯୁବକଙ୍କୁ ପଠାଉଥିବା ଜିଲ୍ଲା ଶ୍ରମ ଅଧିକାରୀଙ୍କୁ କହିଥିବା ଜଣାଯାଇଛି ।  ତେବେ ଲକ୍‌ଡାଉନ୍ ଯୋଗୁ କାମଧନ୍ଦାର ଅଭାବ ଓ  ଆର୍ଥିକ ସଙ୍କଟ ଯୋଗୁ କାମ ପାଇଁ ତାମିଲନାଡୁ ଯିବାକୁ ବାଧ୍ୟ ହୋଇଥିବା ଉଦ୍ଧାର ଶ୍ରମିକମାନେ କହିଛନ୍ତି ।