ମହିଳା ଆଇପିଏସ୍‌ଙ୍କ ସହ ପଞ୍ଜାବ ମନ୍ତ୍ରୀଙ୍କ ନିର୍ବନ୍ଧ

ଚଣ୍ଡିଗଡ: ପଞ୍ଜାବର ଶିକ୍ଷାମନ୍ତ୍ରୀ ହରଜୋତ୍ ସିଂହ ବେନ୍‌ସ ଖୁବଶୀଘ୍ର ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି । ପଞ୍ଜାବ କ୍ୟାଡର ଆଇପିଏସ୍ ଜ୍ୟୋତି ଯାଦବଙ୍କ ସହ ତାଙ୍କର ନିର୍ବନ୍ଧ ଅନୁଷ୍ଠିତ ହୋଇସାରିଛି । ଆଇନରେ ସ୍ନାତକ ଡିଗ୍ରୀ ହାସଲ କରିଥିବା ହରଜୋତ୍ ଆପ୍ ପ୍ରାର୍ଥୀଭାବେ ଆନନ୍ଦପୁର ସାହିବ୍ ଆସନରୁ ବିଧାନସଭାକୁ ନିର୍ବାଚିତ ହୋଇଥିବାବେଳେ ଭଗୱନ୍ତ ମାନ୍‌ଙ୍କ କ୍ୟାବିନେଟରେ ଶିକ୍ଷାମନ୍ତ୍ରୀ ଦାୟିତ୍ୱ ତୁଲାଉଛନ୍ତି । ଅପରପକ୍ଷରେ ହରିୟାଣାର ଗୁରୁଗ୍ରାମ ନିବାସୀ ଜ୍ୟୋତି ବର୍ତ୍ତମାନ ମନ୍‌ସା ଜିଲ୍ଲା ଏସ୍‌ପି ଭାବେ କାର୍ଯ୍ୟରତ ଅଛନ୍ତି ।