ଖଲ୍ଲିକୋଟ: ଝିଅମାନଙ୍କ ଫଟୋ ଏଡିଟିଂ କରି ସୋସିଆଲ ମିଡିଆରେ ପଠାଉଥିବା ରଙ୍ଗିଲା ଯୁବକକୁ ପୁଲିସ ଗିରଫ କରିଛି । ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ବଡ଼ଶିରେଇପୁର ଗ୍ରାମର ମନୋଜ ବାରିକ ନାମକ ଜଣେ ଯୁବକ ଯୁବତୀମାନଙ୍କ ଫଟୋ ଏଡିଟିଂ କରି ସୋସିଆଲ ମିଡିଆରେ ପଠାଉଥିଲା । ଖଲ୍ଲିକୋଟ ଥାନା ଅନ୍ତର୍ଗତ କହ୍ନେଇପୁର ପଞ୍ଚାୟତର ଜଣେ ନାବାଳିକାଙ୍କ ଫଟୋକୁ ଏଡିଟିଂ କରି ଫେସବୁକ୍, ହ୍ୱାଟ୍ସଆପ୍ ଭଳି ବିଭିନ୍ନ ସୋସିଆଲ ମିଡିଆରେ ପଠାଇଥିଲା । ଏ ସମ୍ପର୍କରେ ସମ୍ପୃକ୍ତ ନାବାଳିକାଙ୍କ ଅଭିଯୋଗକୁ ଭିତ୍ତି କରି ଖଲ୍ଲିକୋଟ ଥାନାରେ ପୋକ୍ସ ଆକ୍ଟରେ ମାମଲା ରୁଜୁ ହୋଇଥିଲା । ଅଭିଯୁକ୍ତ ମନୋଜ ବାରିକକୁ ଗିରଫ କରି ଜେଲ ହାଜତକୁ ପଠାଇଥିଲା ପୁଲିସ । କିଛି ଦିନ ପରେ ଜେଲରୁ ଜାମିନରେ ଆସି ପୁନର୍ବାର ଉକ୍ତ ନାବାଳିକାର ଫୋଟକୁ ଏଡିଟିଂ କରି ସୋସିଆଲ ମିଡ଼ିଆରେ ପଠାଇଥିଲା । ପୁଣି ନାବାଳିକାର ଅଭିଯୋଗକ୍ରମେ ଥାନାରେ ମାମଲା ରୁଜୁ କରାଯାଇଥିଲା ।
ସେବେଠାରୁ ମନୋଜ ଫେରାର ଥିଲା । ବର୍ତମାନ ପୁଣି ଥରେ ମନୋଜ ଉକ୍ତ ନାବାଳିକାର ମାଆଙ୍କ ଫୋଟକୁ ଏଡିଟିଂ କରି ଭାଇରାଲ କରିବା ପରେ ଥାନାରେ ମାମଲା ରୁଜ୍ଜୁ କରି ଅନୁସନ୍ଧାନ ଜାରି ରଖିଥିଲା ପୁଲିସ । ପୁଣି ନାବାଳିକାର ମାମୁଁଙ୍କ ଫଟୋକୁ ଏଡିଟିଂ କରି ଅନ୍ୟ ଝିଅମାନଙ୍କ ସହ ଯୋଡ଼ି ଭାଇରାଲ କରିବା ଅଭିଯୋଗରେ ଥାନାରେ ଆଉ ଏକ ରେ ମାମଲା ରୁଜୁ କରିଥିଲା ପୁଲିସ । ଆଜି ଉକ୍ତ ଯୁବକ ମନୋଜକୁ ଗିରଫ କରି କୋର୍ଟ ଚାଲାଣ କରିଛି ଖଲ୍ଲିକୋଟ ପୁଲିସ । ତେବେ ମନୋଜକୁ ଗିରଫ କରାଯାଇଥିବା ବେଳେ ଅନ୍ୟ ମାମଲା ଗୁଡିକରେ ଜେରା କରିବା ପାଇଁ ପୋକ୍ସ କୋର୍ଟରେ ରିମାଣ୍ଡ ପାଇଁ ଆବେଦନ କରାଯାଇଛି ବୋଲି ଥାନା ଏସ୍ଆଇ ଅମ୍ବିକା ବେଣିଆ ସୂଚନା ଦେଇଛନ୍ତି ।
