ଇସ୍ରାଏଲ: ଇସ୍ରାଏଲ ସହର ଉପରେ ୟେମେନର ହାଉଥି ଗୋଷ୍ଠୀର ମିସାଇଲ ମାଡ଼ । ଇସ୍ରାଏଲର ଦକ୍ଷିଣ ଭାଗରେ ଥିବା ଏଲିଏଟ ସହରରେ ଥିବା ସାମରିକ ଘାଟୀକୁ ଲକ୍ଷ୍ୟ କରି ଇରାନ ସମର୍ଥିତ ହାଉଥି ଗୋଷ୍ଠୀ ଏକାଧିକ ବାଲିଷ୍ଟିକ ମିସାଇଲ ମାଡ଼ କରିଛି । ଇସ୍ରାଏଲର ଦୂରଗାମୀ ଆରୋ ଏୟାର ଡିଫେନସ ସିଷ୍ଟମ ଏହାକୁ ପ୍ରତିହତ କରିଛି ।
ଏଥିଯୋଗୁ ଏଲିଏଟରେ ଘନ ଘନ ସାଇରନ ବାଜିଥିଲା । ରେଡ ସି ଉପରେ ହାଉଥିର ମିସାଇଲକୁ ନଷ୍ଟ କରିଦିଆଯାଇଛି । ଇସ୍ରାଏଲ ସୀମା ଭିତରେ କୌଣସି ମିସାଇଲ ପଡ଼ିନାହିଁ । ଏହାଦ୍ବାରା କୌଣସି କ୍ଷୟକ୍ଷତି ହୋଇନଥିବା ଆଇଡିଏଫ କହିଛି । ଅକ୍ଟୋବରରେ ଇସ୍ରାଏଲ-ହମାସ ଯୁଦ୍ଧ ଆରମ୍ଭ ହେବା ପରଠୁ ଏକାଧିକ ବାଲିଷ୍ଟିକ ମିସାଇଲ ଓ ଡ୍ରୋନ ମାଡ଼ କରିଛି ।
