ଟ୍ରକ ଧକ୍କାରେ ଶ୍ରମିକ ମୃତ

ସୁବର୍ଣ୍ଣପୁର : ସୁବର୍ଣ୍ଣପୁର ଜିଲ୍ଲା ବିନିକା ଥାନା କମିରା ଗାଁରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା । ଅଜଣା ଗାଡ଼ି ଧକ୍କାରେ ଶ୍ରମିକ ମୃତ। ମୃତକ ଜଣଙ୍କ ହେଲେ ପ୍ରସନ୍ନ ବାବୁ । ଦୁର୍ଘଟଣା ଘଟାଇବା ପରେ ଗାଡିଟି ଫେରାର ଅଛି। ମୃତକ ପ୍ରସନ୍ନ ରାଇସ୍‌ ମିଲରେ ଶ୍ରମିକ ଭାବେ କାମ କରନ୍ତି। ଆଜି ସିକାଳୁ ସେ ସାଇକେଲରେ ରାଇସ୍‌ ମିଲକୁ ଯାଉଥିଲେ। ସେଇ ସମୟରେ ଏକ ଟ୍ରକ ଦ୍ରୁତଗତିରେ ଆସି ପ୍ରସନ୍ନଙ୍କୁ ପଛପଟୁ ଧକ୍କା ଦେଇଥିଲା। ଦୁର୍ଘଟଣା କରିବା ପରେ ଗାଡିଟି ଘଟଣା ସ୍ଥଳରୁ ଫେରାର ହୋଇଯାଇଥିଲା। ତେବେ ଘଟଣା ସ୍ଥଳରେ ପ୍ରସନ୍ନ ରକ୍ତାକ୍ତ ଅବସ୍ଥାରେ ପଡ଼ିଯାଇଥିଲେ। ସ୍ଥାନୀୟ ଲୋକ ତାଙ୍କୁ ଗୁରୁତର ଅବସ୍ତାରେ ଉଦ୍ଧାର କରି ବିନିକା ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତିକରିଥିଲେ। ସେଠାରେ ଡାକ୍ତର ତାଙ୍କୁ ମୃତଘୋଷଣା କରିଥିଲେ। ଏନେଇ ଦୁର୍ଘଟଣା ହୋଇଥିବା ସ୍ଥାନରେ ଲୋକାମାନେ ଉତ୍ତେଜନା ପରିସ୍ତିତି ଶୃଷ୍ଟି କରିଥିଲେ। ତେବେ ପୁଲିସ ପହଞ୍ଚି ଲୋକ ମାକମାନଙ୍କୁ ବୁଝାସୁଝା କରିବା ସହିତ ଦୁର୍ଘଟଣା କରିଥିବା ଗାଡିକୁ ଧରିବା ପାଇଁ ତଦନ୍ତ ଆରମ୍ଭ କରିଛି।