ଷ୍ଟଡି ଟୁର୍‌ରେ ଯିବା ବେଳେ ଓଲଟିଲା ବସ୍‌, ୧୫ ଛାତ୍ର ମୃତ

ଇମ୍ଫାଲ: ମଣିପୁର ନୋନି ଜିଲ୍ଲାରେ ଏକ ବଡ଼ ଦୁର୍ଘଟଣା ଘଟିିଛି । ଆଜି ଏକ ସ୍କୁଲ୍ ବସ ଦୁର୍ଘଟଣା ହେବା ପରେ ଏକାଧିକ ଛାତ୍ରଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । ଲୋଗୋଁସାଇ ତୁବୁଙ୍ଗ ଗାଁ ନିକଟରେ ଔଲଡା କଛାର ରାସ୍ତାରେ ଏକ ସ୍କୁଲ ବସ ଅନ୍ୟ ଏକ ସ୍କୁଲ ବସକୁ ଧକ୍କା ଦେଇଥିଛି । ପ୍ରାଥମିକ ସୂଚନା ଅନୁସାରେ ଇମ୍ଫାଲ ପୂର୍ବ ଜିଲ୍ଲାର ଥମ୍ବୁଲନୁ ଉଚ୍ଚ ମାଧ୍ୟମିକ ସ୍କୁଲ ୟାରିପୋକର ଦୁଇଟି ବସ ଛାତ୍ରଛାତ୍ରୀଙ୍କୁ ନେଇ ଷ୍ଟଡି ଟୁରରେ ଖୌପୁମ ଯାଉଥିଲା । ତେବେ ଏହି ସମୟରେ ଉଭୟ ବସ ମଧ୍ୟରେ ଧକ୍କା ହେବାରୁ ଅତିକମରେ ୧୫ ଛାତ୍ରଙ୍କ ମୃତ୍ୟୁ ହୋଇଥିବା ଜଣାପପଡିଛି । ଏହାସହ ଏକାଧିକ ଛାତ୍ର ଗମ୍ଭୀର ଭାବେ ଆହତ ମଧ୍ୟ ହୋଇଛନ୍ତି । ତେବେ ସରକାରୀ ଭାବେ କେତେ ଛାତ୍ରଙ୍କ ମୃତ୍ୟୁ ହୋଇଛି ତାହା ସ୍ପଷ୍ଟ କରାଯାଇନାହିଁ । କୁହାଯାଉଛି ଦୁର୍ଘଟଣା ଲୋଗୋଁସାଇ ତୁବୁଙ୍ଗ ଗାଁ ନିକଟ ବିଷ୍ଣୁପୁର- ଖୌପମ ରୋଡରେ ଘଟିଛି । ଆହତ ଛାତ୍ରଙ୍କୁ ପ୍ରଥମେ ବିଷ୍ଣୁପୁର ହସ୍ପିଟାଲରେ ପରେ ଉଚ୍ଚ ଇମ୍ଫାଲ ମୋଡିସିଟି ହସ୍ପିଟାଲକୁ ସ୍ଥାନାନ୍ତର କରାଯାଇଛି । ବର୍ତ୍ତମାନ ସୁଦ୍ଧା ୨୨ ଜଣ ଛାତ୍ରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣାକୁ ନେଇ ମଣିପୁର ମୁଖ୍ୟମନ୍ତ୍ରୀ ଏନ ବିରେନ ସିଂ ଦୁଃଖ ପ୍ରକାଶ କରିବା ସହ ଯୁଦ୍ଧକାଳୀନ ଭିତରେ ଉଦ୍ଧାର କାର୍ଯ୍ୟ ପାଇଁ ନିର୍ଦ୍ଦେଶ ଦେଇଛନ୍ତି । ଏହାସହ ମୃତ ଛାତ୍ରଙ୍କ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି ।