ଶ୍ରୀନଗର: ଓଡ଼ିଶା ଜନ୍ମିତ ଗିରୀଶ ଚନ୍ଦ୍ର ମୁର୍ମୁ ବୁଧବାର ଜମ୍ମୁକଶ୍ମୀର ଉପରାଜ୍ୟପାଳ ପଦରୁ ଇସ୍ତଫା ଦେଇଛନ୍ତି। ସେ ଏଭଳି ନିଷ୍ପତ୍ତି ସେହିଦିନ ନେଇଛନ୍ତି ଯେଉଁଦିନ ଧାରା ୩୭୦ ହଟିବା ସହ ନୂଆ ରୂପ ନେଇଥିଲା ଜମ୍ମୁ-କଶ୍ମୀର। ଗିରୀଶ ନିଜ ଇସ୍ତଫା ପତ୍ର ରାଷ୍ଟ୍ରପତିଙ୍କ ନିକଟକୁ ପଠାଇ ଦେଇଛନ୍ତି।
ମିଳିଥିବା ସୂଚନା ଅନୁସାରେ ଆଜି ବିଳମ୍ବିତ ସନ୍ଧ୍ୟାରେ ଶ୍ରୀ ମୁର୍ମୁ ତାଙ୍କର ଇସ୍ତଫା ପତ୍ର ରାଷ୍ଟ୍ରପତିଙ୍କ ନିକଟକୁ ପଠାଇ ଦେଇଛନ୍ତି । ତାଙ୍କୁ ସରକାର ଅଡ଼ିଟ୍ ଜେନେରାଲ ଆଶୀଷ ମହର୍ଷିଙ୍କ ସ୍ଥାନରେ ଅବସ୍ଥାପିତ କରାଯାଇପାରେ । ଦିନେ ଦୁଇଦିନ ମଧ୍ୟରେ ଜାମ୍ମୁକାଶ୍ମୀରରେ ନୂଆ ଉପରାଜ୍ୟପାଳଙ୍କୁ ନିଯୁକ୍ତି ଦିଆଯିବାର ସମ୍ଭାବନା ରହିଛି ।
ଗତବର୍ଷ ଜାମ୍ମୁକାଶ୍ମୀରକୁ ବିଭାଜନ କରାଯାଇ ଦୁଇଟି କେନ୍ଦ୍ରଶାସିତ ଅଞ୍ଚଳ ଗଠନ କରାଯାଇଥିଲା । ପ୍ରଶାସନିକ ସେବାର ଉଚ୍ଚ ଅଧିକାରୀ ଗିରୀଶ ମୁର୍ମୁଙ୍କୁ ଉପ ରାଜ୍ୟପାଳ ଭାବରେ ଅବସ୍ଥାପିତ କରାଯାଇଥିଲା । ଆଜି ଜାମ୍ମୁକାଶ୍ମୀର କେନ୍ଦ୍ରଶାସିତ ଅଞ୍ଚଳ ଗଠନ ହେବାର ଠିକ୍ ବର୍ଷକ ପରେ ଶ୍ରୀ ମୁର୍ମୁ ତାଙ୍କ ପଦରୁ ଇସ୍ତଫା ଦେଇଛନ୍ତି ।
ଇସ୍ତଫା ଦେଲେ ଜମ୍ମୁ-କଶ୍ମୀର ଉପରାଜ୍ୟପାଳ ଗିରୀଶ ମୁର୍ମୂ
