ଲକ୍ଷ୍ନୌ: ଉତ୍ତରପ୍ରଦେଶର ବାଗପତ ଜିଲ୍ଲାରେ ଇଷ୍ଟର୍ଣ୍ଣ ପେରିଫେରସଲ ଏକ୍ସପ୍ରେସୱେରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଗୋଟିଏ ଟ୍ରକୁ ଆଉ ଏକ ଟ୍ରକ ଧକ୍କା ଦେବାରୁ ଏହି ଦୁର୍ଘଟଣା ଘଟି ଗୋଟିଏ ପରିବାରର ୩ ଜଣଙ୍କ ମୃତ୍ୟୁ ଘଟିଛି । ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ମୃତାହତଙ୍କୁ ଉଦ୍ଧାର କରି ତଦନ୍ତ ଆରମ୍ଭ କରିଛି । ସୂଚନା ଅନୁଯାୟୀ, ବାରାଗାଓଁ ନିକଟରେ ଏହି ଦୁର୍ଘଟଣା ଘଟିଛି । ସମ୍ବାଲ୍ ଜିଲା ଦୀପେ ଗାଁର ବାସିନ୍ଦା ଉକ୍ତ ବ୍ୟକ୍ତି ନିଜ ଭାଇ ଓ ପୁଅ ସହ ସମ୍ବାଲ୍ରୁ ପଞ୍ଜାବ ଯାଉଥିଲେ ।
ସେହି ସମୟରେ ଟ୍ରକ ଚାଳକଙ୍କୁ ହଠାତ ନିଦ ଲାଗିବାରୁ ସେ ତାଙ୍କ ଭାଇ ଓ ପୁଅ ଟ୍ରକର ଶେଷ ଭାଗରେ ବିଶ୍ରାମ ନେଉଥିଲେ । ସେହି ସମୟରେ ଗାଜିୟାବାଦରୁ ଦ୍ରୁତ ଗତିରେ ଆସୁଥିବା ଆଉ ଏକ ଟ୍ରକ ପଛପଟୁ ଏହି ଟ୍ରକକୁ ଧକ୍କା ଦେଇଥିଲା । ଏହାପରେ ୩ ଜଣଙ୍କ ଉପରେ ଚଢାଇ ଘଟଣା ସ୍ଥଳରୁ ଫେରାର ହୋଇ ଯାଇଥିଲା । ପୁଲିସ ପହଞ୍ଚି ସମସ୍ତ ମୃତାହତଙ୍କୁ ହସ୍ପିଟାଲରେ ଭର୍ତ୍ତି କରିଥିବା ବେଳେ ୨ ଜଣଙ୍କର ଘଟଣାସ୍ଥଳରେ ଓ ଜଣଙ୍କର ଚିିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା । ପୁଲିସ ମୃତଦେହ ବ୍ୟବଚ୍ଛେଦ ପାଇଁ ପଠାଇଥିବା ସହ ତଦନ୍ତ ଜାରି ରଖିଛି ।
