ଭୁବନେଶ୍ୱର : ସପ୍ତଦଶ ବିଧାନସଭାର ତୃତୀୟ ଅଧିବେଶନ ଆସନ୍ତା ୧୩. ୦୨. ୨୦୨୫ ତାରିଖ ଠାରୁ ୫. ୪ .୨୦୨୫ ତାରିଖ ପର୍ଯ୍ୟନ୍ତ ୨ଟି ପର୍ଯ୍ୟାୟରେ ହେବାକୁ ଯାଉଛି । ପ୍ରଥମ ପର୍ଯ୍ୟାୟଟି ୧୩ . ୦୨ . ୨୫ରୁ ୨୧.୨ ୨୦୨୫ ଏବଂ ଦ୍ୱିତୀୟ ପର୍ଯ୍ୟାୟ ୭.୩. ୨୫ ରୁ ୫.୪.୨୦୨୫ ପର୍ଯ୍ୟନ୍ତ ଚାଲିବ । ବିଧାନସଭା ଚାଲୁଥିବା ସମୟରେ ଯାନବାହାନ ଚଳାଚଳ ଓ ନିରାପତ୍ତାକୁ ଦୃଷ୍ଟିରେ ରଖି ବିଧାନସଭା ସଂଲଗ୍ନ ରାସ୍ତା ମାନଙ୍କରେ ଓଡିଶା ସହରାଞ୍ଚଳ ଆଇନ ୨୦୦୩ର ଧାରା ୨୮ ଏବଂ ପୁଲିସ କମିଶନରେଟ ଭୁବନେଶ୍ୱର କଟକ ଟ୍ରାଫିକ ଓ ପବ୍ଲିକ ଅର୍ଡର ଓ ରେଗୁଲେସନ ୨୦୦୮ ଧାରା ୩୬ ଅନୁସାରେ ନିମ୍ନ ଲିଖିତ କଟକଣା ଗୁଡିକ ଲାଗୁ କରାଯାଇଛି ।
. ହାଉସିଂ ବୋର୍ଡ ଛକପଟୁ ରବୀନ୍ଦ୍ରମଣ୍ଡପ ଆଡକୁ ଆସୁଥିବା ସମସ୍ତ ଯାନବାହାନ ଗୁଡିକ କେଶରୀ ଟକିଜ ଠାରୁ ବାମ ପାର୍ଶ୍ୱର ବାମ ପାର୍ଶ୍ୱର ରାସ୍ତା ଦେଇ ନିଜ ଗନ୍ତବ୍ୟସ୍ଥଳକୁ ଯାଇପାରିବେ ।
. ଏଜି ଛକ ପଟୁ ପିଏମଜି ଛକ ଆଡକୁ ଆସୁଥିବା ସମସ୍ତ ଯାନବାହାନ ଗୁଡିକ ଜୟଦେବ ଭବନ ପାଖରେ ଡାହାଣ ପାର୍ଶ୍ୱର ଥିବା ଇନ୍ଦିରା ଗାନ୍ଧୀ ପାର୍କ ରାସ୍ତା ଦେଇ ନିଜ ଗନ୍ତବ୍ୟ ସ୍ଥଳକୁ ଯାଇପାରିବେ ।
. ମାଷ୍ଟର କ୍ୟାଣ୍ଟିନ ଛକପଟୁ ଆସୁଥିବା ସମସ୍ତ ଯାନବାହାନ ଗୁଡିକ ଲୋୟର ପିଏମଜି ଛକଠାରୁ ବାମ କିମ୍ବା ଡାହାଣ ପାର୍ଶ୍ୱର ଦେଇ ଯାଇପାରିବ ।
. ୧୨୦ ବାଟାଲିୟନ ଛକପଟୁ ରବୀନ୍ଦ୍ର ମଣ୍ଡପ ଆଡକୁ ଯିବାକୁ ଚାହୁଁଥିବା ସମସ୍ତ ଯାନବାହାନ ଗୁଡିକ ପାଫ୍ୱାର ହାଉସ ଛକ ଦେଇ ଯିବ ।
. ରାଜଭବନ ଛକ ପଟୁ ଏମଏଲଏ କଲୋନୀ ଏବଂ ରବିନ୍ଦ୍ର ମଣ୍ଡପ ଆଡକୁ ଯିବାକୁ ଚାହୁଁଥିବା ସମସ୍ତ ଯାମବାହାନ ଗୁଡିକ ଶାସ୍ତ୍ରୀ ନଗର ଛକ ଆଡକୁ ଯିବ ।
ତେବେ ଏହି କଟକଣା ଗୁଡିକ ଜରୁରୀ କାଳୀନ କାଯ୍ୟରେ ନିୟୋଜିତ ଥିବା ଯାନବାହାନ ପୋଲିସ , ଅଗ୍ନିଶମ ବାହିନୀ , ଆମ୍ୁଲାନ୍ସ ଏବଂ ବିଧାନସଭା , ରାଜ୍ୟ ସଚିବାଳୟ ଓ ଅନ୍ୟାନ୍ୟ ସରକାରୀ କାଯ୍ୟାଳୟକୁ ଯାଉଥିବା ଅଧିକୃତ ଯାନବାହାନ ମାନଙ୍କ ନିମନ୍ତେ ଲାଗୁ ହେବ ନାହିଁ । ଉ ପରୋକ୍ତ କଟକଣାଗୁଡିକ ବିଧାନସଭା ଚାଲୁଥିବା ସମୟରେ ବଳବତ୍ତର ରହିବ ।
ବିଧାନସଭା ପାଇଁ ଜାରି ହେଲା ଟ୍ରାଫିକ କଟକଣା
