ନେଟଫ୍ଲିକ୍ସରେ ଫିଲ୍ମ ଦେଖିଲେ ଓ ପିଜ୍ଜା ଖାଇଲେ କମ୍ପାନୀ ଦେଉଛି ଦରମା

ନୂଆଦିଲ୍ଲୀ: କେଉଁ କମ୍ପାନୀ ଫିଲ୍ମ ଓ ସୋ ଦେଖିବା ଏବଂ ପିଜ୍ଜା ଖାଇବା ପାଇଁ ବେତନ ଦେବା ଆପଣ କେବେ ଶୁଣିଛନ୍ତି କି ? ଏହା ଶୁଣିବା ପରେ ଆପଣଙ୍କୁ ଟିକିଏ ଅଜବ ଲାଗୁଥାଇପାରେ । ହେଲେ ଏହା ସତ୍ୟ । ଏକ ଆମେରିକୀୟ କମ୍ପାନୀ ଲୋକଙ୍କୁ ଏମିତି ଏକ ଜବ୍ ଅଫର କରୁଛି । ଯିଏ ନେଟଫ୍ଲିକ୍ସ ଦେଖିବ ଓ ପିଜ୍ଜା ଖାଇବ, ସେଥିପାଇଁ କମ୍ପାନୀ ତାକୁ ଦରମା ଦେବ । ବୋନସଫାଇଣ୍ଡର ଏକ ଆମେରିକୀୟ ୱେବସାଇଟ, ଯାହା ଲିଗାଲ ଗ୍ୟାମ୍ବୋଲିଂ ସାଇଟ ପାଇଁ ସଉଦା ସମୀକ୍ଷା ଓ ଅଫର କରିଥାଏ , ଯାହାକୁ ଏବେ ପ୍ରଫେସନାଲ ବିଂଜ୍ ୱାଚର ଦରକାର । ଅର୍ଥାତ ଏମିତି ବ୍ୟକ୍ତି ଯିଏ ନେଟଫ୍ଲିକ୍ସରେ ଅଧିକରୁ ଅଧିକ ସମୟ ପର୍ଯ୍ୟନ୍ତ ସମସ୍ତ ସୋ, ଫିଲ୍ମ ଦେଖିବ ଓ ପିଜ୍ଜା ଖାଇବ । ବୋନସଫାଇଣ୍ଡର ନିଜ ୱେବସାଇଟ ରେ କହିଛି ଯେ, ୨୦୨୧ରେ ଲକଡାଉନ ଶେଷ ହେବା ପରେ ବୋନସଫିଣ୍ଡର ର ଟିମ ଏକ ନୂଆ ଜବ୍ ଅଫର ଆରମ୍ଭ କରି ଆନନ୍ଦ ବିସ୍ତାର କରିବାକୁ ଚାହୁଁଛନ୍ତି , ସେଠାରେ ଆପଣଙ୍କୁ ନେଟଫ୍ଲିକ୍ସ ଦେଖିବା ଓ ପିଜ୍ଜା ଖାଇବା ପାଇଁ ଦେୟ ପ୍ରଦାନ କରାଯିବ । ସେଥିପାଇଁ ଫେବୃୟାରୀ ୯ ତାରିଖରେ ପଡୁଥିବା ରାଷ୍ଟ୍ରୀୟ ପିଜ୍ଜା ଦିବସରେ ବ୍ୟବସାୟୀଙ୍କୁ କିଛି ପିଜ୍ଜା ଖାଇବାକୁ ଦେବା ଓ ୩ ନେଟଫ୍ଲିକ୍ସ ସୋ ଦେଖିବା ପାଇଁ ୫୦୦ ଡଲାର ପ୍ରଦାନ କରାଯିବ । ଏଥିପାଇଁ ମନୋନୀତ ପ୍ରାର୍ଥୀଙ୍କୁ କାହଣୀ, ପ୍ଲଟ ଲାଇନ, ଅଭିନୟର ଗୁଣ ଓ ଅନ୍ୟାନ୍ୟ ଜିନିଷ ସହିତ ସିରିଜ ଶେଷ କରିବା ପରେ ପ୍ରତ୍ୟେକ ସିରିଜ୍ ସମୀକ୍ଷା କରିବାକୁ ପଡିବ । ସେମାନଙ୍କୁ ସେମାନଙ୍କ ପିଜ୍ଜାର ସ୍ୱାଦ, ଗଠନ, ଏହାର ରେଟ୍ ଦେବାକୁ ପଡିବ । ଏହି ସମୟରେ ସୋସିଆଲ ମିଡିଆରେ ଆଉ ଏକ ଚାକିରି ସୁଯୋଗ ମଧ୍ୟ ବାହାରିଛି । ବ୍ରିଟେନର ବେଡରୁମ ଆଥଲେଟିକ୍ସ ମଧ୍ୟ ଏକ ସ୍ଲିପର ଟେଷ୍ଟର ପାଇଁ ଦୁଇଟି ପଦବୀ ବାହାର କରିଛି । ଏଥିରେ ମନୋନୀତ ପ୍ରାର୍ଥୀଙ୍କୁ ମାସରେ ଦୁଇ ଦିନ ୧୨ ଘଣ୍ଟା ପାଇଁ ଚପଲ ପିନ୍ଧିବାକୁ ପଡିବ । ସେମାନଙ୍କୁ ଏକ ବର୍ଷ ପାଇଁ ମାସରେ ଦୁଇ ଦିନ ମୋଟ ମାସିକ ଦରମା ୩୩୩ ପାଉଣ୍ଡ ପ୍ରଦାନ କରାଯିବ । କାରଣ ସେମାନଙ୍କୁ ବିଭିନ୍ନ ଚପଲ ଓ ଅନ୍ୟ ଉତ୍ପାଦ ଉପରେ ପ୍ରତିକ୍ରିୟା ଦେବାକୁ ପଡିବ ।