ମୁମ୍ବାଇ : ରିଲିଜ ପରେ ବିବାଦ ଘେରକୁ ଆସିଛି ୫୦୦ କୋଟି ବଜେଟ୍ ରେ ନିର୍ମାଣ ହୋଇଥିବା ଫିଲ୍ମ ‘ଆଦିପୁରୁଷ’ । ବିବାଦୀୟ ଡ଼ାଏଲଗ ସାଙ୍ଗକୁ ଦୁର୍ବଳ ଭିଏଫଏକ୍ସ ପାଇଁ ଲଗାତର ଟ୍ରୋଲ ହୋଇଚାଲିଛି ଏହି ସିନେମା। ସବୁଆଡ଼େ ବିବାଦ ଓ ବିରୋଧ ଦେଖାଦେବା ପରେ ଫିଲ୍ମରେ ଥିବା ବିବାଦୀୟ ଡ଼ାଏଲଗକୁ ବାଦ ଦେବାକୁ ପ୍ରଯୋଜନା ସଂସ୍ଥା ନିଷ୍ପତ୍ତି ନେଇଛି । ଇତି ମଧ୍ୟରେ ମାତ୍ରା କେଇ ମିନିଟ୍ ଲାଗି ଅଭିନୟ କରିବା ପାଇଁ ଏହି ଅଭିନେତ୍ରୀ ଚାର୍ଜ କରିଥିବା ମୋଟା ଅଙ୍କ ଫିକୁ ଏବେ ସବୁଆଡ଼େ ଚର୍ଚ୍ଚା ଜୋର ଧରିଛି ।
ଚଳିତ ମାସ ୧୬ ତାରିଖରେ ବଡ଼ ପରଦାରେ ରିଲିଜ୍ ହୋଇଛି ଫିଲ୍ମ ‘ଆଦିପୁରୁଷ’ । ପ୍ରଥମ ଦିନରେ ଫିଲ୍ମଟି ୧୪୦ କୋଟି ରୋଜଗାର କରିଛି । କିନ୍ତୁ, ଚଳଚ୍ଚିତ୍ରରେ ଯେଉଁ ପରି ରାମକଥା ପ୍ରଦର୍ଶନ କରାଯାଇଛି ଓ ଯେମିତି ପ୍ରଭୁ ରାମ-ହନୁମାନ ଓ ରାବଣଙ୍କ ଚରିତ୍ରକୁ ଦର୍ଶାଯାଇଛି, ତାହା ଦେଖି ଲୋକଙ୍କ ମଧ୍ୟରେ ଅସନ୍ତୋଷ ବଢ଼ିବାରେ ଲାଗିଛି ।
