ଭୁବନେଶ୍ୱର: ଅଧିକ ପ୍ରମାଣ ନେଇ ଆଜି ନୟାଗଡ ଯଦୁପୁରରେ ପହଂଚିଛନ୍ତି ଏସଆଇଟି ମୁଖ୍ୟ ଅରୁଣ ବୋଥ୍ରା । ସେ କହିଛନ୍ତି ଅଭିଯୁକ୍ତ ବିରୋଧରେ ଯଥେଷ୍ଟ ପ୍ରମାଣ ରହିଛି । ଅଭିଯୁକ୍ତକୁ ପୂର୍ବରୁ ୧୦ ଥର ପଚରାଉଚୁରା ସରିଛି । ସନ୍ଧ୍ୟାରେ ସାମ୍ବାଦିକ ସମ୍ମିଳନୀରେ ଏନେଇ ବିସ୍ତୃୁତ ସୂଚନା ଦିଆଯିବ ବୋଲି ସେ କହିଛନ୍ତି । ଏହି ମାମଲାରେ ମୁଖ୍ୟ ଅଭିଯୁକ୍ତକୁ ଗିରଫ କରାଯାଇଛି । ଆଜି ନୟାଗଡ ପୋକସୋ କୋର୍ଟରେ ହାଜର କରାଯିବ । ଏହି ଘଟଣାର ଏବେ ତଦନ୍ତ ଚାଲିଛି ବୋଲି କହିଛନ୍ତି ଅରୁଣ ବୋଥ୍ରା ।
ଅନ୍ୟପଟେ , ପରୀ ମୃତ୍ୟୁ ମାମଲାରେ ପ୍ରମାଣ ଯୋଗାଡ ପାଇଁ ପୋଖରୀ ଶୁଖାଯିବ । ଯଦୁପୁର ଗାଁରେ ଥିବା ପୋଖରୀ ଶୁଖାଇବା ପାଇଁ ଯୋଜନା ଚାଲିଛି । ପରୀ ମୃତ୍ୟୁ ଘଟଣାରେ ଏବେ ଯାଏଁ ଜଣଙ୍କୁ ଗିରଫ କରିଛି ଏସଆଇଟି ଟିମ୍ । ଅନ୍ୟପଟେ ଅଭିଯୁକ୍ତର ସ୍ୱାସ୍ଥ୍ୟ ପରୀକ୍ଷା ଆଜି କରାଇଛି ଏସଆଇଟି । ନୟାଗଡ ଡିଲ୍ଲା ମୁଖ୍ୟ ହସ୍ପିଟାଲରେ ଅଭିଯୁକ୍ତର ସ୍ୱାସ୍ଥ୍ୟ ପରୀକ୍ଷା ହୋଇଛି ।
ଅଭିଯୁକ୍ତ ବିରୋଧରେ ଯଥେଷ୍ଟ ପ୍ରମାଣ ଅଛି: ଅରୁଣ ବୋଥ୍ରା
