ମା’ ଝିଅଙ୍କୁ ଅସଦାଚରଣ କରି ଫସିଲା ଯୁବକ

ଭୁବନେଶ୍ୱର:  ମା’ ଝିଅଙ୍କୁ ଅସଦାଚରଣ କରିଥିବା ଅଭିଯୋଗରେ ଖଣ୍ଡଗିରି ଥାନା ପୁଲିସ ଜଣେ ଯୁବକଙ୍କୁ ଗିରଫ କରିଛି । ଅଭିଯୁକ୍ତ ଜଣକ ହେଲେ ଖଣ୍ଡଗିିରି ଥାନା ଅନ୍ତର୍ଗତ ଫାର୍ମଗେଟ୍‍ରେ ରହୁଥିବା ସଂଗ୍ରାମ ଗୌଡ଼ ଓରଫ ମୁନା(୨୫) । ଏନେଇ ପୁଲିସ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ ସୋମବାର କୋର୍ଟ ଚାଲାଣ କରିଛି । ସୂଚନା ଅନୁଯାୟୀ, ଖଣ୍ଡଗିରି ଥାନା ଅନ୍ତର୍ଗତ ଫାର୍ମଗେଟ୍‍ରେ ଜଣେ ମହିଳା ରୁହନ୍ତି । ତାଙ୍କ ନାବାଳିକା ଝିଅ ରବିବାର ସନ୍ଧ୍ୟା ସମୟରେ ଦୋକାନକୁ ଯାଇଥିଲେ । ସଂଗ୍ରାମ ମଦ୍ୟପାନ କରି ନାବାଳିକା ଝିଅକୁ ଟଣାଓଟରା କରିଥଲେ । ଏହାକୁ ନେଇ ନାବାଳିକାଙ୍କ ମା’ ବିରୋଧ କରିବା ସହ ପାଟି କରିବାରୁ ସଂଗ୍ରାମ ତାଙ୍କୁ ମଧ୍ୟ ଅସଦାଚରଣ କରିଥିଲେ । ଏନେଇ ଖଣ୍ଡଗିରି ଥାନାରେ ଅଭିଯୋଗ କରିବା ପରେ ପୁଲିସ ଅସଦାଚଣ ମାମଲା ରୁୁଜୁ କରି ଅଭିଯୁକ୍ତ ସଂଗ୍ରାମକୁ ଗିରଫ କରିଥିଲା ।