ଭୁବନେଶ୍ୱର : ବିଜେପିର ସବୁ ବିଧାୟକଙ୍କ ଉପରେ ହୁଇପ୍ ଜାରି କରାଯାଇଛି । ଆଜି ବିଧାନସଭାରେ ଉପସ୍ଥିତ ରହିବାକୁ ବିଜେପିର ହୁଇପ୍ ଜାରି । ହୁଇପ୍ ଜାରି କଲେ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ । ସକାଳୁ ୧୦ରୁ ସନ୍ଧ୍ୟା ୭ଟା ଯାଏଁ ଗୃହରେ ଉପସ୍ଥିତ ରହିବାକୁ ହୁଇପ ଜାରି କରିଛନ୍ତି । ଯଥେଷ୍ଟ କାରଣ ନଥାଇ ଅନୁପସ୍ଥିତ ରହିଲେ କାର୍ଯ୍ୟାନୁଷ୍ଟାନ ପାଇଁ ଚେତାବନୀ ଦେଇଛନ୍ତି ।
ବୁଧବାର ସାଢେ ୧୦ ରେ ବାଚସ୍ପତି ଶ୍ରୀ ପାତ୍ର ଆସନ ଗ୍ରହଣ କରିବା କ୍ଷଣି ଉଭୟ ଶାସକ ବିଜେଡି ଏବଂ ବିରୋଧୀ କଂଗ୍ରେସ ଓ ବିଜେପି ସଭ୍ୟ ବାଚସ୍ପତିଙ୍କ ପୋଡ଼ିଅମ ସମ୍ମୁଖକୁ ଆସି ହଟ୍ଟଗୋଳ ସହ ନାରାବାଜି ଦେଇଥିଲେ । ଆତ୍ମହତ୍ୟା ଉଦ୍ୟମ କରିଥିବା ବିଧାୟକ ସୁବାସ ପାଣିଗ୍ରାହୀ କ୍ଷମା ନ ମାଗିବା ପର୍ଯ୍ୟନ୍ତ ଗୃହ ଚାଲି ପାରିବ ନାହିଁ ଶାସକ ସଭ୍ୟ ନିଜ ଜିଦରେ ଅଟଳ ରହିଥିଲେ । ବିଶେଷକରି ଶାସକ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ, ବିଧାୟକ ପ୍ରଣବ ପ୍ରକାଶ ଦାସ, ସତ୍ୟନାରାୟଣ ପ୍ରଧାନ, ଅଶ୍ୱିନୀ ପାତ୍ର, ସ୍ନେହାଙ୍ଗିନୀ ଛୋରିଆ, ବ୍ରଜ ପ୍ରଧାନ, ଅନନ୍ତ ନାରାୟଣ ଜେନାଙ୍କ ସମେତ ପ୍ରାୟ ୨୨ରୁ ଅଧିକ ଶାସକ ସଭ୍ୟ ହଟଗୋଳ କରିଥିଲେ ।
ଉଭୟ ଶାସକ ଓ ବିରୋଧୀ ନିଜ ନିଜ ଜିଦରେ ଅଟଳ ଥିବାବେଳେ ବାଚସ୍ପତି ସୂର୍ଯ୍ୟନାରାୟଣ ପାତ୍ରଙ୍କ ସମସ୍ତ ପ୍ରକାର ନିବେଦନ ବିଫଳ ହୋଇଛି । ୧୨ଟା ଯାଏଁ ଗୃହ ମୁଲତବୀ ଘୋଷଣା କରିଛନ୍ତି ବାଚସ୍ପତି ସୂର୍ଯ୍ୟନାରାୟଣ । ବିଧାନସଭା ଆରମ୍ଭରୁ ଗୃହରେ ପ୍ରବଳ ହଟ୍ଟଗୋଳ । ଗୃହର ମଧ୍ୟଭାଗକୁ ଆସି ଶାସକ ଓ ବିରୋଧୀ ସଦସ୍ୟଙ୍କ ହଟ୍ଟଗୋଳ ଦେଖିବାକୁ ମିଳିଛି । ମଣ୍ଡି ଅବବ୍ୟସ୍ଥାକୁ ନେଇ ବିରୋଧୀ ସଦସ୍ୟଙ୍କ ହଟ୍ଟଗୋଳ । ସୁବାଷ ପାଣିଗ୍ରାହୀ କ୍ଷମା ମାଗିବା ଦାବିରେ ଶାସକ ଦଳ ହଟ୍ଟଗୋଳ କରିଛନ୍ତି ।
